أختي روزالين فكرة اربي طفل يتيم وارده في ذهني لكن ما اعتقد زوجي وأهله يوافقوان هذا اولا
ثانيا الكفالة لطفل يتيم صعبة جداً قرأت بمنتديات يبغالها أوراق و غيرها الكثير وزوجي بسبب
عدم سواقته بنفسه ما يستطيع يدبر شي أبدا الا بوجود شخص ثاني والسبب السكر عنده عمى ألوان
وضعف نظر ،، الله يشفيه..

والي تقول لا أجرح .. غصب عني يطلع هذا الكلام طلبته مرارا الطلاق بهدوء ومستعده لكل شي
يطلبه المهم لا ندخل احد بالمشكلة لاني والله احترمه وأقدره ولا اريد الحديث عن سبب الطلاق
لاني وبصراحة ما أبغى اكشف ستر زوجي وهذا شي من الله لكنه رفض ومتعلق فيني كالطفل
وبنفس الوقت شعرت انه أناني .. قلتله بعد الزواج بتلاقي اللي ترحب فيك مثل ما انا وافقت وتزوجتك
قال وإنتي من يتزوجك بعد الطلاق؟ كان سؤاله غريب رديت وقلت الله المعطي وعادي مو لازم زواج
و يعلم الله قسوتي عليه بعض الأحيان بسببه لان اعترف لي انه قبل الزواج راح وحلل دم وتحاليل اخرى
واعرف انه في مشكلة عندها انهرت ليش يخدعني فقام غير الموضوع وقال ما فهمتيني صح انا ماكنت ادري
شككني بكلامه اللي سمعته منه اول مره وبعدها انكرر.. ومن بعدها بدأت أقسى عليه ودي تجئ منه وعادي
احيانا أقول هالانسان غريب عجيب دائم مبتسم دائم متسامح معي برغم المواقف الي صدرت مني لكن يعلم الله انها ردة فعلي بسبب ما خبأه عني لذلك اعتبرته غشني ولا حول ولا قوة الا بالله

صرت احدث نفسي .. زوجي مريض سكر ويتعب كثير والعلاقة قليل وإذا صارت احسه كواجب يأديه معي
ودائما مرمطة مع سائق اجنبي حتى اخر الليل ارجع من مشوار مع السائق وهو نائم بالبيت بسبب تعبه
وعدم تحمله السهر ،، أعيش دوامه عظيمة ولا حول لي ولا قوة .. ولا اريد ان اخبر أهلي واكشف ستره
الله يشفيه وكل مسلم ..

__________________
ربي لا تذرني فرداً وانت خير الوارثين