المشاركة الأصلية كتبت بواسطة ريمو المدينة

الي جرب هو الوحيد الي راح يحس بالي امر فيه اي ما قلنا نبغى زواج خرافي وشهر عسل في اوروبا بس الزواج كان مرا مهمل الي يشوفو من بعيد يحسبها عزيمة مو زواج حزت في قلبي بس يلا طز واصلن خلاص رجعت البيت ابويا طول الوقت شغال فيا تهزيئ وسوا مشكلة مع امي قلت خلاص مو ناقصة مشاكل بينهم بسببي
الرجال كنت مقتنعة فيه الحين احس اني ما ابغاه مدري ليه يجيني زي الخوف والقرف لمن يقرب مني خوفي ان زواجي ما راح يكمل ما ابغى بكارتي تروح واصير مطلقة ما يجوني الا معددين ولا شياب مكتئبة قرفانة من كل شي قبل شوية نام جنبي على السرير وبدا يلمسني جاتني زي القشعريرة وخرت وحطيت مخدة بيننا اعطاني ظهره ونام خايفة من هذي الدخلة بكبرها الرجال طول وعرض ويلعب حديد احس جسمه ضخم جنبي والله خايفة وانا وحدة قصيرة وجسمي ضعيف موضوع الزواج وشهر العسل خلاص بنساه يمكن على كلامكم يعوضني بس الحين خايفة من قربه ومن الدخلة ذي في كلام عيب اكتبه هنا واحسه ماله داعي بس هو الي مخوفني زيادة حاسه اني ما اقدر استحمل والله من خوفي لحد يضحك عليا المرة الاولى لمن بغى يلمسني قاعدة اتشهد بيني وبين نفسي انا سويت كلامكم قلت ماني زعلانة بس خايفة ومتوترة عشان كدا رحت لاهلي واخذها بضحكة