اقتباس:
المشاركة الأصلية كتبت بواسطة عذوبة المطر
الحمدلله تطورات تبشر بالخير ..
عاد تدرين على كثر ما أنا حزنت عليك واللي عانيتة مع اخوك من خوف ومواقف وتصادمات ..
حزنت على اخوك ورحمتة الله يصلحة ويهدية احسة في صراع داخلي ..
يسوي امور مو مقتنع فيها عشان يثبت رجولتة ، ويندم بعدين .!
حتى لو ماأظهر هالشي ، لأنة مايفكر بعقلانية ويحتاج يغير تفكيرة عشان تتضح لة الأمور ..
ذكرتيني بموقف لي مع واحد من اخواني عصبي جدااا .. يعني اذا عصب مايشوف اللي قدامة ..
وكنا دايم نعطية جوة ولا نناقشة في شي مع انة ينرفزنا بتعاملة وطريقة تفكيرة ..
ومرة مسوية فيها الا بقنعة بشيء خطأ وقام يصارخ ويهزيء وللأسف أمي عندة
وماقالت لة شي : (
بس جا اخوي الكبير وانقذ الموقف ووقفة عند حدة والا اخوي هذا شوي ويسفني بغطا القدر ..
ولاعمري اذكر سوا لي شي او فرحني بشي ومع ذلك ارحمة واحيانا اعصب منة ..
واحاول ماعاد اناقشة في شي فقط سوالف عادية .. لاني اخاف ينطل كم كلمة وانا على قولتك
حابة احافظ على رباط المودة بينا ..
نرجع لسوليفنا الجانبية : ))
اقصد اني فجأة لقيت نفسي متزوجة مالحقت اخطط لحياتي واشوف وش احب وامسك بداية
الطريق اللي حابة امشي علية .. تقدرين تقولين كنت في حالة فوضى وضايعة ومدري وش
ابي ولاكنت افكر بنفسي وراحت السنوات و لقيت نفسي ؛برت وانا ماحققت شي ..!
وبديت افكر بوعي واشوف اللي حولي يتطورون وانا مكانك سر : (
والآن لا وقت ولافرص ولازم ابدأ من جديد بس بعد ايش ،!!!
لو الواحد يبدا يمسك الطريق وهو بدون مسؤوليات او مسؤليات اقل ممكن بعدين يقدر يأقلم
نفسة لو زادت مسؤولياتة ، بالإضافة ان كل يشي يحتاج وقت مافي شي تحققينة
بسرعة البرق ..
وآخر سبب لأني مشتتة كثيييير مو عارفة وش ابي بالضبط وايش شغفي الحقيقي ..
عشان احط جهدي ووقتي فية واحققة قبل ماأموت : (
( عشان اوضحلك انا احب اشياء كثير وهواياتي كثير بس مااحس في شي ابدعت فية وموهوبة فية
عشان احقق فية طموحي واوصل للي ابية )
مدري كلامي خاش عرض في موضوعك بس اظاهر ماصدقت احد يسألني ههههه ..
الله يسخرلك يارب اخوك ويهدية ... وشكرا انك فتحتي مجال لفضفضتي 
|
امين الله يهديه و يصلحه ( يمكن اول مره من خلال هالمنتدى نبهتوني ادعي له دايم )
شوفي انا فهمت ايش تقصدين ..
وانا احس مثلك ان عندي هوايات متعدده واكثر من شغف لي
احب الخياطه و التطريز و احب الصحافه و ابي أألف كتاب احب الرياضه والاعمال التطوعيه
امور كثيره تشغل بالي
بس احس حاولي تمسكين اكثر شي يكون له نفع لك وللأمه الإسلاميه
يعني انا في حالتي حاولت آخذ من كل بستان قطره
لكن حاطه تركيزي على موضوع تأليف كتاب وحاطته هدفي الأكبر
لانه مره سمعت طارق السويدان يقول : الكتاب هو ابن العالِم المخلّد
انتي شوفي ايش اكثر شي ممكن ينفعك وينفع اللي حولك
ويكون له نفع لك في الآخره
وابدأي من امنياتك الأكبر ف الآصغر
زي ما تذاكرين موادك بالإختبار تبدين بالأصعب وبعدين الأسهل
والله يوفقك