معليش ب اعتبر هالصفحه مساحه للفضفضه الين يفرجها الله من عنده
لأني محبوسه ( من ناحية اخوي )
وحابسه انا بعد نفسي بالغرفه لانه جرحني صرت اخاف منه
اخاف اسوي اي تصرف يستفزه و يكسرني
اكتب و دموعي تنزل
جسمي كله مكسر وشعري قطعه لي !

يا الله ايش يستفيد الرجال لما يزرع الخوف بقلب بنت منه ؟

يعني انا كنت اقول حركات الضرب هذيك اللي سواها معاي
مراهقه عبط وكنا مبزره
لكن الحين تنعاد والله قويه

احس بخوف ما لي الا الله

مقهوره مقهوره كلما اتذكر كم مره ضربني
كل يوم استرجع ذكريات قديمه احس اني غبيه كيف نسيت
من يوم واحنا في ابتدائي و متوسط وثنوي و جامعه والين تخرجنا
كثيييييييييير ضربني !
بمراحلي الدراسيه كان يغار من حب ابوي لي ، وكان يضربني عشان هالشي
وبنفس الطريقه : اهلي يسافرون و على طول يستفرد فيني !
ويضربني ضرب وحشي
اذكر انه كان يضربني بالحزام و بالعصآ
كان يجرم فيني

بس انا نسيت كل هالمواقف لانه مرت فتره طويله 7 سنوات اختفى هو فيها
بعدين رجع لحياتي هالسنه
توقعته كبر و تغير !

اليوم انا ما نظفت الصاله بس
نظفت البيت كله من و إلى ( اسبابي كانت خوف منه لانه مهددني انه يبطش فيني لو شاف في البيت شي مو زين + اتجنب الصدام معاه لانه ابوي نصحني ب كذا )

طبعا ما شفته لي يومين

..
قبل شوي جا للصاله واحنا جالسين انا و اختي و نام
( وهذا سبب من اسباب خلافاتنا )
انه يدخل اي غرفه بالبيت تعجبه بأي وقت وينام
وما يسمح لأحد يتحرك او يطلع صوت
و امي كانت تقويه علينا بهالتصرفات !

انا و اختي خفنا ودخلنا غرفنا وقفلنا على انفسنا الباب
خفنا يحس بحركتنا ويقوم يسوي فينا شي لانه متحلف فينا

بعدين طلعت آخذ شغله و حس علي
قال لي كيفك

طنشته و ما رديت
حسيت بمممممموت من القهر !!

كيف يكلمني عادي وهو آخر حواري معاه تهديد + وعود ما نفذها لي !

جا لحقني لغرفتي و دخل قال انتي نظفتي ؟ ( ومسوي نفسه مبسوط )

؛نشته ما رديت
قال انتي نظفتي ؟؟
ويعيد السؤال بصراخ ويقرب من وجهي
عرفت انه بدا يتنرفز و بيمد يده
قلت له لو سمحت مابي اتكلم معاك
قال لي مو بدينا امس صفحه جديده وتصافينا
واتفقنا انك تبطلين هالحركات الوصخه !

قلت له لا مين قال بدينا صفحه جديده
وانت مهددني تضربني مره ثانيه وما اعتذرت على ضربك امس !

قعد يناظرني و سكت و راح !

بعدين جاتني اختي ( تعبانه لها فتره طويله و عندها مواعيد بالمستشفى تتعالج )
وموعدها اليوم الصباح
قالت ابي اروح المستشفى
قلت لها مو هو قال بيطلعنا روحي اطلبي منه !
راحت طلبت منه قال ماني مطلعك ما نظفتوا بالطريقه اللي ابيها
وان طلعتوا ب اكسركم انتوا و السواق
قالت له ترا ابوي موافق
قال مالي شغل ب ابوي

جاتني ميتة بكى
قمت بكيت معها قلت لها اوك حارمنا من اي طلعه و سكتنا
بس الا المستشفى
قلت لها امشي نتكلم معاه

رحنا له وقلنا له نبي نقولك شي
اعتبر ان علاقتنا فيك انتهت من اليوم و رايح والين نموت
دامك مديت يدك ومستعد تمدها و مو راضي تعتذز
لاتجي تطلب منا شي ولا نبي منك شي
قام يضحك قال لا والله وكيف تطلعون

طنشناه و رحنا !

وقفلنا على نفسنا الباب ..