اقتباس:
المشاركة الأصلية كتبت بواسطة قانعة
حبيبتي صاحبة الموضوع
والله اني انصحك من قلب محب و صادق
اتمنى لك السعاده والراحه
انتي و زوجك صغار وتنقصكم الخبره
والمفروض يكون دور اهلكم اكبر من كذا ويحاولون يحلون المشكله بدون طلاق لانهم زوجوكم وانتم بهذا العمر
انصحك ترجعين لزوجك اذا لمح لك بالرجوع او طلب منك
و سايريه في كل شيء
لانه مافيه شيء يغضب الله
ولا امرك بمعصيه
وكل المتزوجين يختلفون بالتفكير والهوايات
لكن هذا مايحرمهم السعاده والرضا والمحبه
المرأه ماتطلب الطلاق الا اذا كان في زوجها امر كبير ومعصيه مثل الزنا او يأمرها بمعصيه او مايصلي او مايصوم
غير كذا لازم الصبر والتعايش
وفهمت من كلامك انه ملتزم زي مانقول مطوع ومتشدد
لكن هل الي منعك عنه خير!!
التلفزيون الحين مااحد يتابعه لا مطوع و لاغير مطوع
والعبايه الساتره خير لك ماتضر
وغيره من طلبات
واي شيء تقدرين تاخذينه بالهداوه ومع الوقت راح يسمح لك
تخيلي لو زوجك خاين او يمارس اللواط او سكير او مدمن
مين احسن بنظرك!!
والله الزمن هذا يخوف واغلب الشباب سيئين جدا الا من رحم ربي
انتي ينقصك الاسلوب
اذا كلمك او راسلك قوليله اننا تطلقنا ومانحل لبعض الحين
هل افهم من تواصلك معي انك بتراجعني؟
لان لو نيتك غير كذا مااقدر اتواصل معك
لكن اذا تبغانا نرجع ممكن افكر بالموضوع اذا جيت لابوي و فاتحته بالموضوع
وارجعي له
هذا شاب صغير انتي اول بنت بحياته وحبه الاول وخطبك ثلاث مرات واضح يحبك جدا
و يخاف الله
وماجاك منه ضرر
ومشاكلكم جدا بسيطه
سايريه واطيعيه بكل شيء لين تكبرين وتنضجين
وثقفي نفسك دينيا
انتي شايفه الحين مايخطبك الا كبار سن و مطلقين و منزوجين وكل ماكبرتي تقل فرصك
زوجك افضل من اي رجل بيخطبك بعد كذا
وربي يوفقكم
|
ياعزيزتي ، اقسم بالله ما أردت الطلاق ولا عمري عرضت الطلاق حل
لكنه عرض الطلاق حل حتى في مشكلتنا التي أدت للطلاق
قبل فترة تواصل معي ، اخبرني انه لي منزله بقلبه وانا نفس الشيء
حتى أوضحت له اني ارغب بعودتنا ،،
ثم بعد ذلك اوضح صعوبة الامر ، ثم قال نحن في الحقيقة لانتفق
رجوعنا ليس بتلك السهولة
اوضحت انه ان حصلت لنا عودة فستكون أمورنا على ما يرام بإذن الله
وانتهى كلامي معه
اهلي والله ماقصروا في الاصلاح قبل الطلاق
لكنه بعد الطلاق ماذا يفعلون برجل لا يرغب بابنتهم تعال خذها غصب!!!
هم لا يعرفون ذلك ،كل ما يعرفونه انه راغب بالطلاق
ولكن انا غاضبة من اهلي ان ماسبق ان نبهتم علي وقع بي
كان من الأجدر احترام رأيي وعدم اعتقاد اني طفلة لاني أبديت هذا الرأي بذلك العمر
المشكلة بالنسبة لي
مطلقة وبي ما بال مطلقات من شئم
معلقة روحها بطليقها
هذه نتيجة موحشه