المشاركة الأصلية كتبت بواسطة نسمات البرد

السلام عليكم ورحمة الله وبركاته
ماهو رايكم بهذا التصرف من زوجي !
انا اعتبرها خدش لكرامتي وخصوصيتي وهيبتي قدام اهله ،......
انا لي يوم عند اهلي بسبب سفر زوجي وفي هذا اليوم وصل من السفر متأخر وخبرته ان يفطر عند اهله وانا بأفطر عند اهلي ،
الان دقيت عليه يجي ياخذني وخبرني ان اخته الصغيره عنده في الشقة
قلت له : ليه مايصير اختك تكون موجوده وانا غايبه عن البيت
ممكن يكون البيت محتاج تنظيف وترتيب
قال ماعليك البيت مرتب وانتي نظيفة ماشاء الله عليه
صح انا قبل مااطلع رتبت البيت ونظفته لكن الموضوع مو على ترتيب البيت لا الموضوع موضوع خصوصيه
وحتى لو كان مرتب ممكن يطلع شي منى ولامنى
قلت طيب وليه جت اختك : ........
قلت طيب دخلتها غرفة النوم ، قال لا
والله ماادري عنه هل صادق ولالا
اعرفه زوجي هو عنده عادي وكل شي يمون فيه وخاصه مع اخته هذه ، مو مفكر بأمورنا الخاصه او ان لازم مااحد يطلع عليها كيف بفهمه بهذه الفكرة ؟
ماحبيت تصرفة هذا والمشكله مو هذه اول مره يسويها وفي مره سوها وانا كنت طالعه للمشغل
جاب اختة عندنا بالشقة وخبرني يوم رجعت صح كان البيت مرتب لكن اكتشفت اني جايبه اختبار حمل ووضعته على طاولة الصاله ، هل هذا مايعتبر شي يفشل عند الاهل !
قلت له شفت اختك اكيد شافته ومره ثانيه لاتدخلها بغيابي ! وكان رده عادي اصلاً هي ماتعلم احد
اخته عمرها 20 سنه وتفهم كل شي ومستحيل ماتعلم امها او خواتها او حتى مرت اخوها الي هي تعتبرها مثل اختها وتمون عليها بكل شي ،
_اهم شي بالموضوع كيف بفهم زوجي ان لنا خصوصيه في البيت ولايدخل احد بغيابي عن البيت !