رد : زوجي صدمني بخطبته لزواج مسيار
ريماس ، الله يربط على قلبك ويهديكم انت وزوجك لبعض
فعلاً اسلوب زوجك انتقامي درجه اولى
انت ادرى بحياتك وش اللي خلاه ياصل هالمواصيل ؟
ابداً ما أبرر له موقفه ولو كان يعرف المرأه وضعفه ماتجبر عليك
لكن عشان نحط ايدينا على الجرج ونقدر نداويه
لازم نعرف اسبابه ، انت قلت انك مقصره بحقه ، كان يطالبك بحقوقه اللي انت مقصره فيها وانت ماتلبين
حق الزوج كبييير كبييير من عند رب العالمين
فلا تضيعين دنياك واخرتك بيدك
ابدا اسلوب النديه مايمشي مع الرجال ، لكن باللين تاخذين اللي تبين
ولاتذلين نفسك الحين ، اهدي وادعي ربك انه يكتب لك وله الخير
وراقبي ردة فعله ، كثري استغفار وصلاة على الرسول اللهم صل وسلم عليه
فو الله اني ارى فيهما الفرج بعد التعلق بالله
حنا بايام فضيله استغليها بالخير ، وبعد رمضان ماتدرين وش يصير
لعل الله يحدث بعد ذلك امرا