رد : ناوية على الطلاق بسبب عيوب زوجي
قريت الردود اللي فالصفحة للاولى .. ماشاء الله ما قصروا الخوات.
الاضافة اللي عندي .. انه وااضح انه زوجك يحبك و عااقل
لكن مشكاته هي انه مايقدر يعبر .. وهذي المشكلة متواجدة باغلب رجالنا وخصوصا ببداية الزواج
لاحظي لما زعلتي ودخلتي تنامي بدون أكل .. جا وشال اللحاف ويقولك قومي حطيلي ..الخ
وبعدها زعل وطلع ... لانه عرف انه ضايقج ومب حاب هالشي
نفس الشي .. سؤاله لك عن شو محتاجه فلعزيمة
حبيبتي ... الرجال يتعلم مع الوقت الاسلوب الحلو
لكن انتي ماتساعدي
تقوليله ... مب مرتاحة معاك .. ونشوف لنا حل وبروح بيت اهلي
وما تبغيه يعصب .. والا يعاملج بكل حب ويشكرج ويحن عليج
خلب اسلوبج لين معاه
من يحس انج لينه وفرفوشة ومتقبلتتنه و راضية بحياتج معاه بيتغير وااايد بس يباله وقت
بعدين . شهر وهو ينام فالمجلس وانتي تاركته ..... والله ماحبيتها
وتلوميه عالعادة السرية .. يمكن تكون نتيجة انه بروحه او متعود عليها من قبل
لكن وين وجودج وين دورج
حبيبتي شلي العناد والكبرياء اللي عندج ... تعاملي معاه باريحية
حسسيه بالقبووووول
اكشخي وسيري رقدي عداله
وتن عطاج ظهره .. احضنيه
وان قال شو يايبنج .. عادي .. قولي اشتفتلك واشتقت انام بحضنك
حبيبتي
اكسبي زوجج ... خليييج لييييييييينه
عامليه على انه صديقج .. تودديله و دلعيه
ولا تعصبي من كل شي
اممممم ... انتي تاخذبن موانع حمل .. تراها تخلي الوحده معصبة طول الوقت ومالها خلق لشي
اذكر اني خذتهم فترة 3 شهور .. وقضيت هال3 شهور بمشاكل مع زوجي من هالنوع اللي تقولين عنه
واعيد مرة 2 .... ريلج عاقل ويبيج وفاهمنج ... بس ككوني لينة