والله يا شيخه إنت مكبرة الموضوع

وأنا حاسه فيك أنك مو هاينه عليك نفسك إنك ترجعي بعد كل (الإذلال) على رأيك اللي صار..

زوجك أخطأ صح.. وله عيوبه صح.. بس إنت كمان ردات فعلك حادة، يوم سبك وطلع فظايح عند أمه بالتلفون كان ممكن تتجاهليه ومع هالشخصيات هالشي بيقتله..

تعلمي إنك تكوني بارده وإنهم ما يمسكوك من نقطة ضعفك وهو كلام الناس..

وأنا برأيي إن الطلاق موجود وسهل بأي وقت.. بس الصلح هو اللي صعب يصير بأي وقت.. ووضعك عند أهلك ما رح يكون مستقر وعلى مزاجك خصوصاً إن إنتي وحدة شخصيتك قوية ومستقله ماشاء الله..

نصيحتي لك، إنك تخليه يرجعلك غصبن عنه ويعتذر لك بطريقة ترضيك.. بس بدون ما تبينيله نيتك في الرجوع..
كيف؟
ممكن إنك ترسلي له مسج : لو سمحت انا باجي البيت بعد ساعه باخذ كل أغراضي، وكل واحد الله يوفقه بطريقه.
ويوم توصلين البيت أدخلي بكل هدوء وبدون عصبيه وبدون ما يكون معاك أخوك (ينتظرك في السيارة) وإبدئي لمي أغراضك بحزم وهدوء، وهي بتكون فرصه له إنه يصالحك.
أو ممكن إنك ترسلي له قائمه بأشياء كثيره من أغراضك وأغراض بنتك يجيبهم لك ومن خلالها تبين له إنك عازمه على الفراق مثل إنك تطلبي لوحاتك، أو أوراق خاصه بك..
ويوم يجيبهم لك هنا بيكون مجال للحوار وإنه يراضيك بأسلوبه..

وفي حالة إن تمت المراضاة لازم تقولين له كلمة: (أنا ما يهمني إنك اتصلت في أمك وقلتلها هالأشياء عني، كل البيوت تصير فيها قصص وهاي شي عادي في أي بيت(ببرووود)، بس اللي زعلني إن هالكلام طلع منك إنت وكيف هان عليك تتكلم علي)

حبيبتي يا كنافة، لازم زوجك ينقرررررص ، بس الطلاق.. ماله داعي.. طالما في مجال للصلح..
تخيلي بيتك ومملكتك وراحتك تخسريها للأبد لأجل شي ما أقول إنه عادي ولكن شي مو فظيييع..

وفي اقتراح ثاني إنك تخلي الوالد الله يحفظه يكلمه ويقوله إحنا بنمشي في اجراءات الطلاق وإحنا رحنا المحكمة اليوم بس ما قدمنا القضية بسبب زحمة القضايا لليوم، فياريت تجيب جواز سفر بنتي اليوم وتيجي بعد الإفطار عشان نناقش المواضيع ونخلص..

وفي حالة النقاش بتهدأ الأمور طبعا بإذن الله..

الله ييسرلك الخير يارب

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون