كثير فكرت بهالموضوع وتعمقت فيه ولا تزال اجابتي لا ما أجلس معه أتطلق وأشوف حياتي

اولا مابيننا أطفال فمارح أظلم أحد الحمدلله هو يعيش حياته مع زوجته وأنا ارجع لبيت أهلي معززة مكرمة

ما أتعب راسي بالوسوسه والغيرة والتفكير وتتعب نفسيتي وانا توني باول شبابي يمديني اشوف حياتي

لكن اذا قدر الله و صار فيه أطفال راح أحكم على حسب وضعي اذا كان عندي دخل وأقدر اعيش نفسي فيه تطلقت ومارح احرم ابنائي عن ابوهم وانا منها اشوف حياتي بعد ..

واذا مافيه دخل صبرت عليه والله يعين قلبي كيف بيتقطع الف قطعة وطبعا بتخرب نفسيتي وبتعب كثير كيف بعيش معاه وفيه ثانيه تشاركه خصوصيتي وحلالي .. اوف الموضوع ينفرز ويستفز

الله لا يقولها

هو شرع الله وحلاله بس بما اني موفره له كل السبل الحياتيه من اكل وراحه ومتعة فليه يروح يتزوج علي انا ماقصرت عليه وهو يروح يتزوج من اي حق هذا لو مسك علي خطا حلاله ويروح يشوف له بنت الحلال الي تكمل هذا الخطا بس دامني معززته ومدللته ومو مقصره عليه بشي ما اسمح له يجيب علي ضرة ..