مستجدات وطلب رأي ونصيحة لو سمحتم

امبارح اتصلت في امه لانو سمعت انها مريضة, علما اني بعد اللي صار اتصلت فيها مرة وحدة فقط في بداية رمضان باركتلها الشهر الكريم .. امبارح اتصلت فيها للواجب وغصبا عني.. طبعا كالعادة اتكلمت معي بصيغة المظلوم لما سالتها عن صحتها قالتلي الشكوى لغير الله مذلة هاذا طبعا لانو زوجي كان مفروض يوديها امبارح الصبح للدكتور وما قدر يوديها لانهم اتصلو فيه من الشغل. علما انها عندها 4 شباب اخوانه غيرو وموجودين عزابيين معها بالبيت بس طبعا كالعادة زوجي هو المفروض يعمل كلشي.. انا فهمت عليها شو قصدها وقلتلها هو والله كان مفروض يوديك اليوم الصبح بس اضطر يروح المكتب بس بكرا من الصبح رح يجيكي .. هاذا اللي صار..
الحين انا محتارة,, دلوني .. عارفين العيد اقترب, واحنا عادة كل عيد بنروحلهم اول يوم, العيد هاذا انا مب عارفة اروح عشان الواجب ولا ما اروح..

انا لو تسالوني اللي بيريحني شو بقوللكم انا نفسي ما اروح نهائيا واكتفي بالتلفون بس طبعا رح يزعلو ويفتحو مواضيع.. وازا رحت حاسة نفسي بكون بدون كرامة ..
هل ممكن اقاطعهم للابد? انا عارفة انو زيارتهم لا تعتبر صلة رحم لانهم شرعا مش رحمي ومش ملزمة فيهم طالما زوجي مب مقصر معهم.وبنفس الوقت بقول عشان ولادي بس حتى ولادي هم مب سائلين عنهم كتير.. يعني شايفة انو خوفي وتنازلي هو اللي وصلني هني و هالمرة خايفة اخاف واتنازل كالعادة واروحلهم بالعيد