الله يبارك لكم ويهديه ويسخره لك ان شاء الله ،،

حاولي تقرأيي القرآن بوقت وجوده لان فيها التحذير والتهديد والوعيد ..

ايضا بين فترة وفترة مثلا امدحي الشيخ الفلاني اللي يحاضر بمسجد معين وانك سمعتي له وحابه تروحين له مع زوجك بالمسجد حتى تسمعون وحده من محاضراته ..

ايضا بين فترة وفترة اخذي لك كتاب توعوي بشأن المحرمات والكبائر ويا كثرها واندمجي معاه بمجرد ما تشوفي زوجك وخليك مركزة وبنفس الوفت تكون تعبيراتك خوف واستغفار فطبيعي بيجيه فضول وبيسأل شنو تقري ؟ فانتي تناقشي معاه بمضمون الكتاب وخلي عنده الفضول عشان يقرئه هو ايضا ..

اغدقي عليه بكلمات الحب والفخر بوجوده بحياتك وايمانه ومدى ثقتك فيه وحبك له ..

عطي نفسك نظام للاستغفار او لقرآة ايه الكرسي او سورة يس واسئليه حاب تدخل معاي بالمجموعه عشان تحصل ثواب معاي ؟ ، ان حب كان بها وان رفض فبراحته بس الاكيد لما يشوفك تمشين ع النظام راح يقتبس منك حتى لو قليل ..