اخي الكريم ،، انت حاسم موقفك من البداية مثل ما احس من كلامك وتعبيرك !

زوجتك تحتاج لقرصة اذن وهاذي هي حصلتها! هالامور كلها ماتنحل الا بالتفاهم والمناقشة واما انا بهددها عشان تفهم او برمي عليها كلام وخصوصا من الناحية الجسدية طبيعي بتكون حساسة وطبيعي راح تعاند وطبيعي راح تسوي العكس وحتى ما راح ترغب لك وكثر ماتقدر ما راح تغير شي بنفسها لحتى تتجنب التجريح المستمر منك وهذا باعترافك!

تدري لو انا بمكانها شنو بتكون ردات فعلي ؟ لا صراخ ولا عصبية فقط راح اخليك تذوق الاحراج مني وتبكي دم اسمح لي! ،،

معلش كسولة ماتنظف ماتطبخ مل هذا له حل والنقاش ينفع وبنفس الوقت التشجيييييع ومنها ضربت عصفورين بحجر ،، تخليها تتحرك وتتعود الحركة وتنفتح نفسيتها وتتشجع تخترع طبخات وشوي شوي تروح للاكل الصحي ...

احد اقاربي كان بموقعك و بيوم طرد زوجته والسبب ما تطبخ ولاتهتم بطفلتها ولا تنظف ! تعرف ليش؟ لان هو تعود وعودها من البداية انه يسوي كل شي من ساكت بدون اعتراض اذا شاف المكان وسخ نظفه ومشى الموضوع والاكل جاب جاهز وريح راسه ،، بالمختصر قلت لقريبته انصحيه يرجع زوجته ويقعد يتفاهم معاها بهدوء عن حقوقه وبعدها لا يلمس شي! عشان تتعود منها ومن نفسها تشيل بيتها ومكانها ..

رجع زوجتك قبل انقضاء المدة وكل شي يتصلح صفات زوجتك بعضها استجدت بعد رمي كلامك الجارح عليها وحتى بعض الافعال واما الاخلاق ايضا اذا حببتها فيك اكثر راح تشوف اللي يسرك ان شاء الله ،، تناقش معاها باسلوب هادئ واعتذر عن اي جرح سببته لها ،، موضوع دراستها اذا حبت تكمل عطها الفرصة تكمل مافي مشكلة والبنوتة تصير بحضانة او عند اهلك او اهلها بشرررررط ان مكانك يكون نظيفك واكلك جاهز وقت رجعتك من الشغل هالشي بيحفزها صدقني ،، بالنسبة لسمنتها بسيطة خذ لها جهاز اعتقد يسمونه الغزال هذا ممتاز ومنها يحفزها ع الحركة اكثر ،، بالنسبة لبنتك خلها براحتها! بدلتها فهي اللي بترتاح من الالتهابات اللي تصيبها وان تهاونت طنش وراح تشوف التعب مع طفلتها بسبب اهمالها وببساطة ماراح تتاخر ،، اتفق معاها علة فتح صفحة جديدة واسالها عن الصفات اللي توعجها فيك احت انت بعد تعدل من نفسك ..،

الله يسخركم لبعض وان شاء الله مايخلص هالشهر الفضيل الا وانت مبشرنه بخبر رجوعكم لبعض ان شاء الله