اقتباس:
المشاركة الأصلية كتبت بواسطة عبدالـرحمن
طلقتها في لحظة غضب بعد تكالب المشاكل
وديتها لأهلها وقلت لها انا ما اتمنى لك الى السعادة ولا اتمنى يصيبك حزن وضيق
وكنت ناوي ارجعها بعد فترة
لكن مع علم الأهل بالمشكلة , فكرت قلت انا احرجت نفسي قدام الأقارب وجبت على نفسي الكلام
كل فترة والثانية وانا موديها على مشكلة
قد يكون الفراق افضل
واذا على الإصلاح..اعرف اني اقدر اصلح
لكن مشاكلي معها لليـــــــــــــــــــــــل , وراح اتعب بالإصلاح والتنازل عن كل شئ
عندي قصة 
كان فيه واحد عنده زوجته منكده عليه حياته..فارضة شخصيتها عليه ودايم متاذي منها
وعنده منها بنت بعمر الزواج..الكل يهرب منها..لأنهم يقولون الحية ماتجيب إلا حية..
جائ ذاك اليوم واحد يخطبها منه..قاله ياولدي انت شايف امها شتسوي فيا..ماراح تكون احسن من امها
قالها بس عطنيها ومالك دخل..
تزوجها..واخذها للبحر..وجاب عنز وكلب وبقرة
قال للعنز : اقطعي البحر..اقطعي البحر..ماسوت شئ العنز..فقام نحرررها بالسكين
جاب الكلب..قاله اقطع البحر..اقطع البحر..ماقطعه..فنحره بالسكين..
وقال للبقرة..اقطعي البحر..ماتحركت فنحرررها
راح لزوجته..قالها اقطعي البحر..قالت تم..وراحت تسبح وسط البحر..راح شالها وراحوا لبيتهم 
وقال لعمه ع السالفه
راح عمه..واخذ عنز وكلب وبقرة
وسوا نفس الحركة..اقطع ياعنز..ونحررررره وكذلك الكلب والبقرة
وصل لزوجته
قالها اقطعي البحر..قالت له (( تــخــسي  ))
فأنا لو بصلح ذحين ..مابحصل..إلا...تخسي
ابي جديدة اتقوى عليها hh |
أكيد بتقول أتخسي تبيها تقطع بحور وتروح فيها المره fh
الزواج مو بحر وعديها بشطارتش واسمعي الكلام بسكات
لا لازم تعدل مفاهيمك
وتقطع البحر معها
لازم مشاركه وتفهم وتنازل
لا تفكر يوم بتزوج غيرها ما بتقلك أتخسي او تظل من غير تنازل هو كذه الزواج اقبل به بمعاييره ومفاهيمه
محد يشبه حد والكل مختلف بس العشره والصبر تنحل الامور
كم مده زواجك ؟؟؟؟؟ أكييييد قصيره