سوسو حبيبتي..

ولدج ما كمل سنتين .. والطفل في هالعمر كل الرجال عنده بابا .. لكن فعلياً هو مب فاقد أبوه للدرجة اللي انتي متخيلتها ... لو كان أكبر شوي كان قلت لج صح.

مسألة الطلاق هي الأهم حالياً .. وبصراحة زوجج تصرف بطريقة ما فيها أي عقل أو حكمة أو تقدير بشكل صحيح .. وحتى لو هو شايف انج غلطانة فأكيد الموضوع ما يستحق يوصل للطلاق.

تصرفه دليل على تسرع وانفعال في غير موضعه وعدم وزن الأمور بميزانها الصحيح .. وهذا شي يخوف!!

وحتى تصرفه مع ابوج فيه صبيانية وعدم احترام!!

ففعلا لا تتصلين ولا ترسلين ولا تبادرين ابداً .. وخلي ابوج يتصرف معاه.

__________________


اللهم طِيبَ الأثر .. وحُسْنَ الرحيل.