يا حبيبة قلبي مو بسرزوجك فيه هالحالة عدد لا يستهان به عندهم بحال الغضب اسكتي اسمعي وطنشي وانتي ماشية ،، انا قبل زواجي على بالي هالصفة مجرد طبيعة تنتقل بالعائلة فقط ولكن اتضح ان لاا ! هاذي شخصية متطبعة ببعض الرجال اذا مو اغلبهم ... اخواني ، ازواج خواتي، وزوجي طبعا والجميع لا تربطهم علاقة اهل!

عليك بالصبر وهو عطاك الزبدة ،، اذا انا معصب سكتي عني فخلص طنشيه وسكتي ساعات السكوت من ذهب وبالعكس مريح للاعصاب ويحميك من فلتات اللسان بالنهاية هو اللي يانبه ضميره ويراضيك ..

موضوع الدورات ما عتقد ينفع الرجال ممكن مضغوط حاليا وبمجرد يشوفك هادئة مع الايام راح يتعلم منك شوي شوي ... يحتاج لتمارين اليوغا بالبيت او المساج هالشي يهدأ الواحد ويخفف توتره وعصبيته وهاذي بتجربتي على نفسي ..

سالفة انه يتعود يشتري للكتكوتة فلا تخافين اغلب الرجال مايجي لهم مزاج لسوالفنه ههههههه وحتى لو جاب ماعليه تعالي له بحب ورومنسية واطلبيه تشترين من السوق واذا وصلتي اخذي اللي تبغينه واما اللي اشتراه مافي مشكلة تلبسين طفلتك لو مرة وحده عن خاطره وبعدها تقدرين تتصدقين فيه دامه جديد لان حرام ناس محتاجة ...

ربي يسعدكم ويوفقكم ويسخركم لبعض ان شاء الله ،، وماعليه حاليا انتوا قاعدين تستقرون فمن جذي كل واحد يكتشف طبيعه الثاني على بلاطه ويحتاج يتكيف مع الثاني ،،