اقتباس:
المشاركة الأصلية كتبت بواسطة kooki3
مهيضة الجناح
الخلل مو منش منهم
الطيور على اشكالها تقع انتي لانش مختلفه عنهم فمش مرغوبه منهم ، وكل من يخالفهم في الطباع والتفكير منبوذ
والي كان قريبين منش وابتعدوا ابتعدوا خوفا من النبذ الي بيوجهه لهم
يعني لازم تكونين مثلهم وله بيحاربونش مفهومهم خطأ في الاخوه
بس تعرفين فين الحل الحل عند الوالده لو كانت شخصيتها قويه وابعدت الفتن بينكم ما صار الي صار ، انتي الي قاعده تسوينه عين العقل والله يهديهم والدنيا تعلم
|
حياك أختي kooki
فعلا أنا مختلفة بس ما أتوقع ان الاختلاف هو السبب
لأني شعرت بالكره تجاهي وعمري تسع سنين بس حملت نفسي اللوم
بحكم أني كنت غلطانه وللأسف ماكنت غلطانه يوم كبرت
عزيت الامر للغيرة لكن للأسف ما أظنه الغيرة لانها اجمل مني و
تدلعت اكثر مني كل شي كان لها وانا ماكان لي غير الفتات
والكل كان مهتم فيها وانا مهمشة لآني على قولتهم لا أهش ولا انش
وكبرت اكثر وقلت كل الموضوع انها كانت تبني شخصيتها علي ولاتبي يطلع لي شخصية بعدها
كبرت وافترقنا ومازالت اذيتها تطاردني تفتن بيني وبين أمي والباقين
وش تبي مني خليت لها الخيط والمخيط
وطولت لسانها علي ما أرد عليها ولا حتى بالنظرات
اما الوالده الله يحفظها من كل شر
كانت تكرهني لكن ماتتمنى موتي
اي شي مني تكرهه بعكس أختي اللي كل أخطاءها
صح لو كانت شايفة انها غلط بس تتقي طولت لسانها
29 سنه وأمي تصدق أكاذيبهم علي ومن كثر الزن صارت مو طايقة مني كيف الحال
لحد ما شافت وانكشف القناع وصرت اشتكي منهم لان طفح الكيل
صارت تقولي انتي تكبرين المواضيع او تصرخ بوجهي
ما وقفت موقف العادل ولا مره حتى بعد ما اكتشفت خبثهم
تعبت منهم و ماني عارفة أحط حد لمعاناتي
أشكرك على وقفتك معي 🌹رفعتي معنوياتي وخليتني انبسط