المشاركة الأصلية كتبت بواسطة سرّاء..

أنا متابعة مشاكلك معاه من سنتين أو أكثر
والله كل مرة أكتب رد انصحك فيه بالانفصال أرجع امسحه و اقفل الصفحة

احمدي الله إن عندك كل مقومات الاستقلالية .. حريم غيرك كثير يفقدونها
أنتِ مافي شيء يخليك تتحملين انسان زيه
الحمدلله بفضل الله موظفة و متعلمة و مكافحة و واعية و ماعندك بنات يقدر يهددك بهم .. الله يخلي لك أولادك و يحميهم
أنا أحس أنتِ قادرة تكوني أجمل و افضل من غيره
و ياما أمهات تطلقوا و هما حتى وظيفة ما عندهم و ربوا أولادهم أحسن تربية
ياما أمهات ترملوا - بعيد الشر عنك - و هم مو موظفات و كمآن ربوا أولادهم و كبروا و عوضوهم
المربي لازم يكون أخلاق و دين قبل كل شيء حتى لو يفقد المال
و للاسف هالصفتين يفقدها زوجك
زوجك لو بس عاطل قلنا اصبري عليه .. ربي ما رزقه
لكن زوجك يفتقد صفات طيبة كثير
لكنِ أنت ماشاء الله فيك صفات جميلة كثير .. و من عيلة واضح أخلاقها عالية ماشاء الله تبارك الله
و انسانة متعلمة و واعية .. ما اعتقد تعجزي عن الاستمرار في الحياة من غيره
عمومًا في النهاية هي حياتك
و أنتِ اللي تقرري
ويعلم الله إني ما أحاول أخرب عليك لو كان قرار الانفصال خطأ
لكن بحسب ما نقلتيه لنا على مدار هالسنتين هذا اللي أشوفه
الله يكتب لك اللي فيه الخير يا روح
الله يجعل أيامك كلها سعادة