المشاركة الأصلية كتبت بواسطة معالي الوزيرة

فاكهة ..
فهمت عليك يا قمر. وفعلا زواجي منه رد لي اعتباري امام الناس وعزز ثقتي بنفسي ..
أنا اثق في رأيك لأنك أكثر وحدة تفهميني نظرا لأننا مرينا بظروف متشابهة،،
وكنت متابعة معاك من بداية زواجك وعلى علم واطلاع بالتطورات الإيجابية في علاقتك مع زوجك
الله يخليكم لبعض ، وهالشي خلاني متفائلة أني بكون سعيدة ومبسوطة وأحب زوجي وقريب ان شاء الله..
لكن فقط اللي أعاق وصولنا لمرحلة الانسجام عدم استقرارنا وقربنا من بعض..
وجودنا المتقطع مع بعض غير كفيل بصنع وإيجاد رصيد مواقف وذكريات تربط بيننا وتقرب المسافات.

الحمدلله يا معالي
الانسان اذا غير طريقة تفكيره تتغير بداخله أمور كثيرة
كل اراءك فيه اعيدي النظر فيها
وبنفس الوقت خلي عين على عيوبك وعين على عيوبه علشان تتوازن الحياة
الغفلة التامة مثل زواجنا الاول مو صحيحة
والانتباه والحرص الزايد ايضا مو صح
خلك وسط وصدقيني اغلب زواجات النساء تمشي بالمسايرة والتغاضي
مافي شريكين متطابقين 100% وكل منهما يحصل من الآخر مايريد

وهذا انت قريتي كلامي السابق بداية زواجي
وكيف تغيرت نظرتي لزوجي شيئا فشيئا
مع ان هناك عيوب لازالت قائمة وبنفس القوة
ولكن اللي فرق هو تقبلي لهالعيوب مثل ماهو متقبل عيوب أخرى فيني
من خبرتي في الحياة
اكتشفت ان هناك مشاكل ليس لها حل
سوى التأقلم والتعود
هنا يرتاح الانسان ويعتاد


صحيح السكن شي جديد ماله شهرين ، بس قبل السكن كان غيابه شبه الدائم بسبب العمل وبالتالي تخليه عن بعض مسؤولياته تجاهي.،

شفتي كلام العقل لما يجي يخليك تحطين الامور في نصابها الصحيح
هذا أنت قلت بعض مسؤولياته تجاهي وليس الكل
طيب شرايك أنا ظروف عمل زوجي تجبره انه يطلع الفجر
بالتالي ما يقدر يوصلني الجامعة
وانا مشاويري معتمدة فيها على أهلي وسائقهم
عاد زوجي زودها شوي وصار حتى ما يرجعني مع ان وقت رجعتي يكون هو راجع من دوامه
بس يكون يلعب
ومع هذا عادي احاول امشي حياتي لين اخلص من الجامعة
والحمدلله مضت الايام وباقي ترم واحد فقط ولله الحمد

الحمدلله يا معالي
زوجك خارج يكدح ويتعب علشانكم
مو طالع يلعب ويتكشت
وانت بس خلصي موضوع السكن
وحاولي تغيري نظامك على نظام زوجك
وبعدين كوني ممتعة علشان يحب جلستك
سولفي معاه اضحكي اسمعي سوالف الدوام حتى لو بنظرك هو المخطأ
كوني انت وياه حزب على شلة الدوام المؤذية له
انا زوجي عسكري ويحكي لي عن سوالف المعسكر
بالبداية كنت انتقده الحين اسمعه واصف معاه ضدهم
صار يحب يحكيلي ويخبرني عنهم وانا اشجعه
ومرات مالي خلق سوالف عسكرية بس اسايره ومرات اسويله طاف خخخ ngt



أوعدك بكون له الزوجة المحبة المطيعة وبصلح أسلوبي كلامك ساعدني في رسم خارطة وبمشي عليها ..
بالنسبة للمساعدة انا شايلة عنه أشياء كثير من غير ما يحس، وساعدته في تسديد مخالفات .
وصعبة أبدي استعدادي لمساعدته في كل وقت لأن يمكن هالشي يخلق منه إنسان اتكالي..

انا معاك
لا تبدين استعداد في كل وقت
ولكن بنفس الوقت لا تتخلين عنه
خلج وسط وقدري الامور قدرها

الله يسعدك فكوهة،، بوسي لي عيالك..