رد : (مميز) زوجة معدد؟ ...... تفضلي
يامهرة، لو قرار الطلاق نهائي
مش هيفرق معاكي بعت امتى واتكلم امتى، وبيقول ايه حتى، بيحبك ولا غيره يكون قد كلامه ويترجمه لافعال وده وفرصته عدت ومن زمان
لو تهديد بس ماتستعملهوش الا مرة واحدة ويكون صادق اوي في ظاهره
ولو هو عاوزك بجد هيتغير فعلا وهيبقى درس عمره، عشان مش كل شوية ندخل في مهاترات و
وان تنازلك الدائم زمان كان عشانه مش عشان واحدة تانية زي دلوقتي
غالبا الستات بيستعملوا سيرة الطلاق مع بعض القمص و لين جانب فالراجل مش بتفرق معاه تهديداتها بعدين، بالعكس هو اللي بيبقى بيهدد بيه كمان
راحة بالك هتكون فين؟! ده الاهم، في ستات بتشوف ان توازن الكون عندها مش بيتحقق الا في وجود زوجها او راجل مهما كانت عيوبه او قادرة تنفصل عاطفيا حتى لو لزم الامر لسلامتها العقلية
لو ده مش هيتحقق عندك يبقى بلاها لان التفاصيل كتيرة اوي وهتبقى مؤلمة ودايما هيتعامل على ان التانية واقع ولها مكان ولازم تقبليه ومالكيش فضل في حياته كمان ومش مهم اتفاقاته معاكي
خليكي صارمة ويعرف انه مافيش مكان للجدال وانك تعبتي، مهما اتكلم وحاول يبرر ماتقعديش تردي كتير
مادام غايتك طلاق خليكي ساكتة ويتفاهم مع اهلك
ومايبقاش فارق كدا بكل حركاته، تعافه نفسك
ولو لسه مش عارفة تعملي كدا يبقى انتي لسة مش مستعده حاليا ومحتاجة شوية وقت مع نفسك
مش عارفة ايه اللي بيحصل للرجالة بعد 10 سنين
مع اننا والله يابنتي حياتنا بتبقى بادية جميلة وتفاهم كبير ومافيش مشاكل تذكر، بسببنا بشكل مباشر على الاقل
والعقلية حلوة مثقفة متفتحة،
تعتقدي الراحة اللي بنحققها سبب الهبل ده!
بصي انا مامرتش بتجربتك، يمكن ربعها ودماغي طارت مني وافتتنت في نفسي وحياتي
انتي اقوى واحسن مني واجهيها وخلصيها، اقلها هتعيشي كويس وضميرك مرتاح الا من بعض الذكريات المؤلمة المفرحة
ووالله ربك بيعوض وكويس جدا
التعديل الأخير تم بواسطة helwaya ; 11-06-2014 الساعة 06:21 AM