حاليا في مطار الرياض .. كنت قد قررت ان لا اعطيه رسالتي وبالفعل مزقتها .. ولكن عندما رايت رقمها في جواله اذ لم يمسحه بعدما ارسل لها رسالة التهديد تاكدت من مشاعري وبانني في حاجة لمصارحته ..

فكتبت له اخرى جديده وارسلتها ايميل بعدما اقلعت الطائره وقد ودعته وقلبي يكاد يقفز من مكانه واحس هو بانه وداع مختلف ..


السلام عليكم ..

ترددت كثيرا قبل ان اكتب لك ولكن لم اعد استطيع الاحتمال .. قطعت الورقه اكثر من مره وفي فندق الهليتون وجدتك لم تحذف الرقم ولم تعمل حظر عندها تاكدت انني مللت حياتي بهذه الطريقه .. احتاج للثقة والامان ..
حبيبي والله العظيم ما عمري حبيت ولا باحب احد مثلك .. انسان ما قصرت معي وكنت شهم ورائع كزوج وكحبيب وكصديق وكأب ..
لا انكر ابدا افضالك وكرمك وحسن تعاملك ..
وما زاد اعجابي بك هو توبتك وعدم تماديك فيما يفسد عليك اخرتك قبل دنياك ..
ولكن المشكلة الان في انا فلقد فقدت نفسي واصبح الحزن والبكاء رفيقي .. تعبت يا ...... ذبحتني الذكرى كرهت الديرة وكرهت البيت وكرهت كل شي يذكرني بانك في يوم خنتني ..
حاولت الله اللي يعلم اني طول هالشهور وانا احاول وعجزت انسى ..
حبيبي انت ما ساعدتني كل همك يتقفل الموضوع ونسيت .....، وانها ما تخيط جرح لحد ما يتنظف ..
طلبت منك ترجع الطمأنينه لقلبي وتكتب لي ورقة طلاق تبين لي فيها حسن النية ورفضت بعد ما اوهمتني بالموافقه ..
طلبت تحلف لي على امور تهمني وعلى اساسها سامحتك وللاسف حلفت كذب واعتقد انك كذبت في كل شي ..
ما ادري من اللي قالك ان الكذب بين الزوجين يحل مشاكل و يناسب الكل ..
طلبتك تغير رقم الواتس وما غيرته وادعيت اني انا فهمت خطأ
طلبت اذا راسلتك تعلمني وجتك فرصه ترجع الثقه وللاسف ما علمتني
رسالتك الاخيره كتبت فيها انك تحمد الله ما حصل زنا ( صدمتني ما كنت ادري انكم متفقين على كذا )
حتى بداية الرساله اللي ارسلتها لها مختلفة عن اللي ارسلتها لي وين زوجتي الغاليه بنت الرجال ؟؟
سامحتك على معلومات غير حقيقيه وبعد ما عرفت العكس احس اني بانفجر من الالم والحزن ..
مو قادره اتحمل المستوى اللي وصلتوا له ..
وش هالنزوه اللي وسط الامراض والاحزان والموت كيف ما اتعضت .. هذا شي خوفني كثير وخلاني احس ان فيك جانب ما اعرفه .. مالك حدود حتى في الذنب ..
صعب اسامح محادثاتك اليوميه ولمدة سنه لاخر الليل وانا لما ترسل لي كلمة وغطاها ..
صعب اسامح انك خبرتها بموت جدي قبلي ..
صعب انسى الصور والجنس
صعب صعب صعب انسى كذبك علي ..
سامحني والله العظيم اعرف انك تبت وادعي الله ما يحرمك القبول ويثبتك ..
بس انا قاعده اموت من الداخل كل يوم وخصوصا بعد المشكله الاخيره ولا انسى الا اذا كنت بين ايديك
.. والله ما انسى الا في حضنك ..
احبك احب صوتك ايديك شكلك تصرفاتك احب اطالع فيك وانت ما تشوفني احب وجودك في حياتي احبك كلك ..
سامحني رغم حبي لك الا اني ما اقدر اكمل رحلة الحياة معك ..
كن رجل عادل وللحظة حط نفسك مكاني وتخيل عظم المصيبه ..
فكرت انتقم منك واحرق دمك واذوقك الالم اللي ذوقتني اياه لكن الحمدلله طلعت اقوى وما تركت الشيطان شماعة لاخطاء ما بيتحاسب عليها غيري ..
الحياة مرة وحده وانا ما عاد ابغى منها شي غير اعيش مرتاحة البال مطمئنة واثقه ما للشك والمراقبه مكان فيها ..
انت حتى تويتر وفيس بوك ما حذفتها ..
سامحني مالي قدرة اجاهد
..
روحتي لاهلي راح تحدد مصيري اللي ما اتمناه مع احد غيرك .. ان قدرت اعالج نفسي فهذا لمصلحتنا جميعا او
راح انسحب من حياتك وضميري مرتاح باني حاولت شهور امحي خيانة سنه وما قدرت ..
والله الذي لا اله الا هو ما اتمنى لك الا الخير واسال الله انه يعوضك ويعوضني .