رد : (مميز) زوجة معدد؟ ...... تفضلي
اسمعي دنيا الفرح
......
مهرة
انه يجيب زوجته لاهله مو اصعب شي بحقك.. انتي عشتي الاصعب ..
وكل شي في زوجك يقول انه ما راح يبطل
فالمفروض انتي تبطلين
بطلي تاكلين عمرك
وبطلي توقفين حياتك عليه
قرار الطلاق صدقيني غير عقلاني في هذا الوقت
لو كنتي اخذتيه لاسبابك ما احد بيلومك
بس ردة فعلك هالمرة مو في مصلحتك
فكري بعقلك مو بقلبك يا مهرة
جربي تتعاملين مع حياتك كانها مشروع تجاري ..
استعيني بادوات التخطيط الاستراتيجي اللي تستخدم للمشاريع
بتوصلين لحل يريحك باذن الله
وعيدي لنفسك الف مرة
السعادة قرار
والحب ايضا قرار
والله والله ما حبيت زوجي الا لما قررت احبه
ما حسيت بالسعادة الا لما اخترت اعيشها
مايهمني حاليا هو يحب مين او قد ايش يعطيني
يهمني اني قادرة اتقبله واحبه عشان اقدر اعيش معه
يهمني انه موفر لي الحد الادنى من حاجاتي عشان اقدر اواصل طريقي اللي رسمته معه
انا سمعت نصيحة رجل الرجال وسعت الصورة وحددت لي هدف بعيد المدى
بس خالفته اني قربت محطتي شوي
وحددت كل الاشياء اللي توصلني لها
زوجي معي عالطريق بس مو موجود هناك
لو صلح كل شي اهلا وسهلا والا عندي خيار ثاني
لان كل شي هناك يقول له مالك حاجة بس فيه لك مكان
حاليا متصالحة مع نفسي وحياتي ومرتاحة من الضغوط اللي كانت تعذبني
جربي
اعرفي وش تبين
اكتبيه بالخط العريض
وانشغلي بتحقيقه
وقبل كذا وقفي مراقبة لزوجك واطلعي من دائرته
ارسمي دائرتك ولونيها لنفسك
كل شي فيها لك
انت الاساس
انتي الاهم
مهرة
حبيبتي والله احبك واخاف عليك وكلامي لمصلحتك
الله يسعدك ويريح قلبك ويرضيك ويرضى عنك