المشاركة الأصلية كتبت بواسطة ام مريمي

اخوي ربي يسخركم لبعض ويهديكم لبعض ويخليكم لبعض ،، ماعليه ساعات الانسان يغلط ويغلط ولكن الحلو انه يعترف ويحاول يراجع نفسه ومايعيد غلطه وانت ماشاء الله عليك اعترفت وكنت صادق وتحاول تلاقي حل لحتى تتعدل اموركم فاحييك اخوي قليل اللي يعتبر رجل! ...

نصيحتي لك ،، اطلب من زوجتك تكتب لك رسالة وهي تكون بعيدة عنك لحتى ما تحس بضعط وتوتر لوجودك وانت بعد خذ لك هالقلم والورقة واكتب كل ما بقلبك واعتذارك لها ، امدحها وخلها تعرف معنى وجودها بحياتك ،، فسر لها تصرفاتك وكلامك بدون ذكر سلبياته يعني لاتكتب انها السبب! ،، اذكر لها خططك للمستقبل ، شنو حاب تغير بنفسك وشنو راح تغير لحتى تكون افضل ،، بالنهاية اكتب لها شنو تتمنى انه يحصل بينكم مثل المحبة ، العمق بالعلاقة ، انك تفهمها وتفهمك ، ترقى بعلاقتكم لعالم آخر رائع ..

زوجتك تحتاج للايجابيات عشان تشوفك بوجهه اخر تشوف طيبتك ومحبتك وشخصيتك المحبة ولا تعاجل بموضوع العلاقة لحتى ما تحس انك سويت كل هالشي عشان تحصل على هالشي .. بين انها انها مو فقط مجرد جسد بل كيان انسانة انت تحبها وتعشقها لنفسها لشخصيتها ،،