انطوائية ابن أخي بسبب كلام من حوله
صباح الخير
عندي ولد اخوي سنة ثانية متوسط الولد كانت شخصيتة قبل مرحة ويحب اللعب واجتماعي.
لكن حالته دحين ماهي عاجبتني جدا ساير انطوائي ودايم جالس لحاله كل ماسألت عنه امة تقول دايم بغرفتة مايطلع ابدا.
لما رحت له حسيتة تعبان تكلمت معاه قلت حبيبي فيك شي يقول لا .
حاولت اتقرب منه كثير طول فترة الشهر الي جلستها عند اهلي ابغاه يتكلم مانفع ..
قبل 5 ايام رحت له وفضفض لي وهو يبكي يقول انا مو رجال وكل اصحابي يقولون عنه انت ماراح تسير رجال وشكلك زي البنت وشخصيتك غبيه وماله اصحاب بالمدرسة كلهم تركوة من التعليقات الي تجيه وسارو ضدة.
ينادونة بالمدرسة باستهزاء باسم سالي لانه هادئ .وصل الاستهزاء لين اصحابه الي بحارتهم سار مايلعب معاهم وقاطعهم.
صراحة انا انربط لساني ماعرفت ايش اقوله كل الي سويتة اني حضنتة بس وقمت الطف الجو وقمت امدحة وقلت غيرانين منك.
ماني عارفة كيف اتصرف المشكلة الولد قالي لاتقولين لاحد..
وخايفة جدا على شخصيتة لان مسكين شايل مرة هم وكارهه نفسة.
والي زادة امه دايم عصبيه عليه وماتعطي ولدها اهتمام ..
شايله همة مرة ياليت تعطوني افكار كيف ممكن اتعامل معاه
وكيف ترجع شخصيتة القديمة .
التعديل الأخير تم بواسطة مارد الجنوب ; 29-05-2014 الساعة 02:59 PM