مشكورين لمن تفاعل مع مشكلتي والله يعطيكم العافيه جميعاً
بوضح مجموعة نقاط :
_ بالنسبة لموضوع الاخت سهر الشام ان من حق زوجتي بيت خاص فيها مانختلف انا اللي قلته بسوي دور ثاني فوق بيت أمي وهذا شرعاً يعتبر بيت شرعي وكذا تنتهي المشكله من وجهة نظري . جزاك الله خير
- الاخ الرسمي لي ثلاث سنوات احاول اوفق بين زوجتي وأمي وللاسف زوجتي راكبه راسها ولاهمها الا نفسها وهذا سبب مشاكلنا
- الاخت أم دانه طبعا انا اللي اشرف على رعاية أمي اذا جات بيتي او هي في بيتها وزوجتي ماتجملني
- الاخ طالب فائده انا قلت مابستعجل لعل وعسى يتبدل الحال وخصوصا انني استخرت وسالت شيوخ واهل علم ومفاد كلامهم جرب كل الحلول والطلاق آخرها
- هملايا الغرور من ناحية استعلائها على أمي لم تمر مرور الكرام وعاملتها بالمثل لين تعدلت شوي في النقطه ذي
- الاخت ام خالد ياليت ابوها حي رحمه الله فيه اخوانها متعلمين واستفزازيين في نفس الوقت وجميع المشاكل ياخذون العلم من تحت الفرشه من طرفها بس ويبنون عليه وفي الاخير مايايدون ابني بيت عند امي الا واحد منهم
قلت هذي بنتكم عندكم والله يعوضنا خير أمي مابتركها نهائيا ومن وقتها 4 شهور
على العموم جزاكم الله خير وحتى لو وافقت تسكن مع أمي ماتجملني معها بنات آخر زمن البعض منهم للاسف تفكير اناني ومراوغه حسبنا الله
الله يرزقها باللي تتمناه وبالشخص المناسب لها ويعوضنا وهي خير