شاكر لكم ردودكم الله يجزاكم خير
للاسف ان البعض قرا اخر ردود وحكم من خلالها .. انا تكلمت عن نفسي فقط وبينت ماغيرته بنفسي بعيد كل البعد عن ماتقوم به اتجاهي فاذا كانت الزوجه تعرف ان زوجها تغير عليها بسبب افشائها للاسرار ووصل فيها الحال ان تفصل مايحدث في غرفه نومها بالتفصيل الممل أي رجل لايزعجه هذا الشيئ ؟ وجلست معها بدل المره عشرين مره مصارحه ان هذا الشيئ اولا حرام ثانيا مايرضيني وبعد ماروح من عندها وتنتهي مصارحتنا تقوم بالاتصال بامها واخواتها وتخبرهم عن كل مادار بكلامي لها وصاروا يعاندون وكل شي يدور بيني وبين زوجتي يعلمون به وتجيهم السالفه جدا عاديه لازم يبهرونها ويخلونها كبر الجبال استمريت على هذا الحال سنه بالنصح والزعل بعدها قلت دامك مستمره بغلطك وكل شي انا مضطر اتعامل مع بيتي كاني ضيف للنوم ومشاهده التلفزيون اذا صارت سواليفي معك كلها عند اهلك وتعاملت معها رسمي ومن ناحيه السفر اكرر عليها ميه مره اتمنى وامنيه حياتي تكونين معي بس للاسف ماعلى فمك ستر كل شي بيصير بهالسفره عند اهلك ويخلقون منه مشكله .. زوجه تخرج من بيتها بدون علم زوجها مئات المرات واقوم بنصحها اولا حرام ثانيا لايرضيني مجرد رساله واتس اب انا طالعه ولاتنتظرين الرد مني ابي تعبير
الجفاااء الذي حصل مني لم يكن مزاج مني كان رده فعل لاامراءه ناشز لاتعطي زوجها اي اهتمام لا من ملبس او ماكل او من حقوق تتوفر عند ابسط زوجين
امراءه اكرمتها وجعلتها تتباهى امام صديقاتها وامام الكل وفي يوم وليله تكفر العشير جلست معها وقلت عطيني الثقه ان اسرارنا بيننا وانا اخليك اسعد زوجه بالدنيا وللاسف امعه كلمه توديها وكلمه تجيبها انا الوم نفسي لاني لم احتوي الموقف وتركت العناد واحتويتها فتره وتحملتها وغيرتها باسلوبي ..
صرت اعاند وهي تعاند وغييرها يوصيها سوي كذا وكذا لين توسعت الفجوه بيني وبينها .. وانبتت الحواجز نبهتها ان كل مايحدث مني رده فعل لتصرفاتها اذا تصرفاتها زينه راح تحصل رده فعل ازين منها واذا شينه رده الفعل شينه
كانت تخطي كثير وكنت اسامح ولكن بعد ماطلعت المشاكل برى كبرت وضيعتنا
اهلي لم يتدخلوا بالموضوع نهائيا
اختها تطلقت بقصه نسخه كربونيه من مشاكلي مع زوجتي .. وزوجات واخوان زوجتي بمشاكل مع الام ؟؟!!!
والكل يشتكي من الام ومن خمسه عشر سنه الام هاجرينها اخوانها ولايسلمون عليها ومنبوذه ؟؟!!!
تسالين زوجتي عن علاقتنا الخاصه ليش عن تفاصيلها ليش وهي تجيبك وتوصف كل شي وبصفه مستمره ؟ ان لم تستح فاصنع ماتشاء صار الرجال هو اللي يستحي في هالزمن.. من يلومني في هذه الاشياء يضع نفسه مكانه ويتخيل مجرد تخيل
لاازكي نفسي ولااشهدد لنفسي بالاخلاق ولكن حاولت وتحملت وطفح كيلي فهجرتها وابتعدت عنها لااحافظ على خصوصياتي وهذا سبب الجفاء ولو اصلحت هذا الشي هي اللي بتكسب كل شي والمستفيدده ولكن تسلط الام جعلها لاتستطيع ان تخفي عنها شي