انا وزوجي متزوجين لنا قرابة عشر سنين اثمر عن هذا الزواج طفلين ،،تزوجته وهو يدرس وجلس قرابة ست سنين وهو يدرس وساكنين وقتها مع اهله لي غرفه مستقله بعد تخرجه جلس سنه عاطل وبعدين حصل وظيفه فرحت فيها جدااااا قلت الحمدالله نهاية الصبر حيثمر اول سنتين بالوظيفه كانت خارج البلاد وكان يوعدنا انه ياخدنا معاه بس ربي ماراد واخدنا معاه شهر وكنا جالسين على قلبه وصار يتحجج بحجج كثيره عشان انزل السعوديه وبالفعل نزلت بعد ماخلص ابتعاثه السنتين،،رجع و الوظيفه طبعا بمنطقه غير منطقتنا وقلت يلا هانت وحنستقر أخيرا وكنت دائما اسأله متى حننقل لمقر عملك بعدها اصبح يتحجج بحجج ويقول اصبري واصبري وان شاءالله بننقل سكت وفوضت امري لله وطبعا كان يروح ايام الاسبوع للمنطقه اللي فيها وظيفته وخميس وجمعه عندنا الى أن تفأجأت بأمر خطبته وانه يريد الزواج ،،طبعا زعلت ومالذلك الموضوع من تبعات وطلبت الطلاق وحاول هو يرجعني ويعتذر ويتأسف ،،ورجعت وانتهى
وانتقل الآن بوظيفته في نفس المدينه اللي نحن فيها وانتقلت الى شقه مستقله وعادت الامور الى مجاريها بس توجد منغصات واهمها عدم تقبلي له بعد طلاقه لي مرتين خلال العشر سنوات وعلى اسباب تافهه جدا ثم خيانته ،،..
خلاصة الموضوع / أنا وزوجي غير متفاهمين من الاساس ،،،و موضوع خطبته كانت القشه اللي قسمت ظهر البعير زي مايقولو،،ماصرت احس بطعم الحياه ومالي رغبه في اي شئ من طرفه لأنه بعد مافتحت الدنيا ابوابها لك وبعد صبري عليك هذا جزاتي .. ،،يعني بجد هو في نظري ولاشئ مع ان في خصال حلوه ماانكر بس كرهي له عاميني عنها ،،حتى لما اتكلم مع صديقتي تقولي حرام عليك هو طيب بس انت مانك عارفه مفتاحه اقولها بالعكس عارفته بس مااااابغى مافي للصدمات تاني ..انا كل مااتعلق فيه واقول يابنت اخزي الشيطان يجي ويعطيني على راسي ان كان بطلاق او خيانه او او اشياء ثانيه ،،عشان كدا مريحه دماغي
بس بجد مليييت ابغى انبسط ابغى ارجع روزليتا اللي كان اي شئ بسيط يفرحها ويبين على وجهها ،،نفسي اعيش مع واحد ثاني غير زوجي واحس بطعم الحياة والرومانسيه واحد يملى علي فراغي العاطفي اللي انا عايشه فيه ،، بس اطفالي كاسرين ظهري