المشاركة الأصلية كتبت بواسطة م رائد

يا اخي اللحين الظاهر لي انهم ماشين على كلام الام
لو رحت لجنة اصلاح ذات البين راح يحطوا النقط على الحروف بمعنى لو طلباتهم مستحيلة الشيخ يفهمهم
وانت تقول اللي عندك من الاشياء اللي مضايقتك
وقتها يصير تبري ذمتك من هالادمية ياتحط عقلها في راسها ولا خليها تتحمل اللي يجيها
فهمت اللحين هم بيفكروا ومايدروا وش الصح من الغلط لانه ماشين بعقل الام
يا اخي جرب مادام شفت اللحين انه شروطهم تعجيزية
يمكن سبحان الله وقتها البنت تشوفك وتسمع من الشيخ وتحن يمكن الشيخ لمن يسمع كلام وشروط اهلها يحس انهم ظلموك فيبين للاب والبنت وتحن البنت عليك وتعقل وخذ تعهد من اهلها بعدم التدخل في حياتك
وبعدين بالنسبة لموضوع المؤخر
حسب وجهة نظري قلهم ياجماعة اللحين لو انا مت مابتورثني !!
تدري باين كيد حريم شيء ينرفز
وسواء اتفقتم ولا لأ يصير تحدد مواعيد شوفتك لعيالك ولا تاخدهم
وبعدها ربك يحلها يا تعقل يا تتزوج عليها الى ان ربك يصلح حالها ويصير جابت فوقها زوجة ثانية يعني مو شرط تطلقها سبحان الله في حريم ماتنعدل الا لمن تجي وحدة عليها وانت ادرى بظروفك
ويمكن اذا عرفت انك جدي بموضوع الزواج تنعدل
ما ادري شيء يجيب الهم الله يهديها لك
ولا اذا تقدر تصبر اصبر لين ماتعقل