عبايتها مزخرفة بشكل يلفت الانظار تلمع وتلق غير انه ما يجوز الواحد ما يرضى الناس تطالع في زوجته

انا انسان محروم عاطفيا فترة الملكة فجرت هذي العواطف في زوجتي من رومنسية و كلام جدا جدا معسول وغير الورود اظن حتى لو روميو شافني بتعلم مني ههههه
وهي مصدومة تقول ما توقعت عسكري تطلع منه هذا الرومنسية ومالهم العسكر والله عسكري عن عسكري يختلف كلامها يجرح اقولها انا رجل ما تغيرني ظروف العمل من يوم اقلع البدلة اصير رجل ثاني ومستمرة على كلامها الجارح انا كنت اتمنى واحد يحضر دكتوراة ولا تقول وش رايك تترك عملك وتحضر ماستر في امريكا نروح نفلها انا وياك بنت ابدا ما تقدر النعمة احنا في زمن عطالة يلا الواحد يلقى وظيفة تسد عازته فهمتها بشتى الطرق بس لا حياة لمن تنادي
حاولت اكون حازم اقولها شوفي انا خطبتك وانا عسكري و تزوجتك وانا عسكري احد اجبركي عليا تقولي لا بس انا في بيت اهلي مبسوطة كل سنة سفرة لامريكا ليه اعيش معك انكد على روحي افهمها ان الزواج تنازل من الطرفين تقلي هذا طبعي وماني متنازلة عنه وهذا كلامها في اي نقاش يحصل بيننا

هرجة السفرة مرة قلت لها اطلعكي جاكرتا مناظر وبلد حلو تقلي وش نبغى من الجاوا اقلها ومالهم الجاوا حبايب قلبنا تقلي انا ودي في باريس و لا لندن وتقولها ورجلها على رجل وانا اطالع فيها واقول الله يعوضها في عقلها

فهمتها على نمط حياتي وعلى تخطيطي تقعد تضحك تقول ايت تخطيط شكلك بخيل ما تبي تصرف ريال في زوجتك
من ناحية كل ما اسوي جلسات مع اهلها امها واقفة معها في كلامها وكأن الي تقوله صح

والله بيوت مليانة ببنات الحلال الي يبون الستر هذي ما تبى الا الدلع وتقعد تقول شوف المسلسلات كيف يعاملون زوجاتهم اقلها هذي مجرد سيناريوهات وتمثيل قدام الكاميرا حاولت اخلي عقلي مثل عقلها بس ماااش
الوالدة تقول خلاص وزعنا الكروت ما يصير نكنسل الزواج وش الناس تقول اقلها يعني الناس الي بتعيش معها ولا انا والله مجتمع غريب
ونقول وش اسباب العنوسة والله امة ضحكت من جهلها الامم