رد : اشعر اني اظلم نفسي
من رايي اذا كان مايعيبه الا جسمه فالامر عادي
واهم شيء اهلك يسألوا عنه زين
ومادام الرجال دين واخلاقه حسنه والكل يشيد فيه
خلاص استخيري واجلسي مع نفسك وقلبي الموضوع في فكرك والقرار لايكون الا بعد جلوسك مع نفسك
تحتاجين عدة ايام من اسبوع او اكثر لاتتسرعين بالقرار عطي نفسك فرصه حتى لو طالت الايام
اهم شيء يكون قرارك صح
واطلبي من اهلك ما يستعجلون عليك حتى لو امه اتصلت قولي لامك ينتظرون اللين تقررين انتي
وخذي راحتك وفكررررررري كثير ولاتستعجلين
استخيري الله وشوفي نفسك ترتاح لشنو بعدها قراري
اذا انتي مرتاحه ترفضينه ارفضيه واذا مرتاحه له توكلي على الله
اهم شيء فكري هذا زواج مو اي شيء
وحتى لو بعد سنوات من قرارك سوا بقبوله او عدمه ماتندمين لانك عطيتي نفسك الوقت الكافي
والباقي على الله
والانسان مو بالجسم اهم شيء الدين والخلق والراحه من الطرفين
اذا مرتاحه له بعد التفكير واعطاء نفسك الوقت الكافي توكلي على الله واقبليه
واذا مو مرتاحه له حتى بعد مااعطيتي نفسك الوقت خلاص ارفضيه والله يعوضك غيره
اما انه اقل منك لاتنظرين لهذا الشيء ابدا
الله يوفقنا وياك