فهمانه عليكي طبيعي الاولاد بيشتاقو لابوهم وتلفونه الهم ضروري كثير من الكبير للصغير وانا هذا استغرابي
على كل حال الموضوع لسى ببدايته والوضع جديد عليكم كلكم مو بس عليكي
بس لازم يقدر يوفق بيناتكم هو دق صدره وقال بيعدل وانتي وافقتي على اساس العدل دائما ذكريه فيها ولا تمشي اي تجاوز من هلق لانكم بالبداية وحياتكم لسى ما توجهت على وضع الجديد فتعديل والتغير سهل بس بعدين كثير صعب
بس الاولاد ما لهم دخل بيومك ويومها ما الهم دخل لازم يحط تحتها 100 خط وغير هيك تربيتهم مو مسؤليتك وحدك بيسافر بس بيضل على اتصال معهم من شان يحسو انه لسى موجود وعلى اطلاع بكل شئ من شان ما يغلبوكي
والموضوع المكالمات ما بصير يكون قدامكم بيقدر يحكي معها وقت يكون عندك هو راجع من صلاة وبيقدر يستاذن وينزل على اللوبي ويحكي معك المكالمة ما تاخذ وقت يعني عشر دقائق لربع ساعة وحتى لو طالت نص ساعة
طبعا وقت تحكي خليكي هادية و لاتعصبي
طلب تاني لا تخلي شئ بقلبك او تحصري او تتعبي حالك فرغي كل شئ بيزعجك باي طريقة ضرب مخدات تمشايه رياضه جمعات مع صديقاتك افلام مضكة رقص اي شئ اعملي برنامج خليه يكون فل لا تخلي عندك وقت فراغ ونامي مع اولادك او بعد نومهم مباشرة وجيبي بنتك تنام جنبك لا تنامي لحالك
وخليه برنامج ترفيهي بين حفظ قران و صديقات و اعمال تطوعيه والاولاد و اعملي جلسه عائلية مع اولادك كل يوم بعد العصر او بعد العشاء بوقت فراغ تنكتو فيها سوا وتحكو وتضحكو خليه جو اسري دافئ وتلعبو مع بعض بتنبسطي معهم كثير
تاكدي اهم شئ عند النسان اثنين 1- صحة 2- اولاده والباقي ثانوي والزمن كافي لتعويد على فقدان اي شئ غير هالشغلتين
الله يربط على قلبك ويصبرك و الله يعطيكي الاجر على صبرك