اذكر اختي بيتا دكتوري المصري

مهارات اتصال

هو غير تفكيري تماماااا.. كان يطر مواضيع مستفزه وحساسه يتعمد يثير غضبنا فيها

بس عشان يثبت لنا ان احا متحمسين لافكارنا واعتقاداتنا الي ماهي الا تراكمات مكتسبه من البيئه حولنا

وان لو افترضنا ان الطرف الاخر على صواب وخلينا العقل يبحث ويتأمل في كلامهم راح نفتح لانفسنا مجالات واسعه من العلم والمعرفه

حتى القران الكريم امرنا بهالشيّ

"وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ"

هذي دعوه من القرآن للخروج عن الاطر الي انحطينا فيها ونثور على معتقداتنا المكتسبه من الاهل والمجتمع ونبحث عن الحق بحياديه دون ان تاخذنا العزه بالاثم

الدكتور مثلا طرح لنا موضوع "البن" وقال هذول قوم قانوا موجودين قبل خلق آدم
وهم نفس شكل الانسان ولكن غير مكلف مثل الجن والانس

واحنا طبعا اعترضنا لان كل ماتعلمناه وعرفناه أن آدم كان أول الخلق!!

وانا دقيت على مكتب الدعوه والارشاد عندنا بقطر وقال لي المرشد ان هذا وارد ومافي دليل في القرآن والسنه ينكره ولكن مالي علم فيه

هنا انا انجنيت وصادتني صدمه!! هذا يعني كثير من المعتقدات الي يبي لها تغيير

ويوم بحثت لقيت علماء كثير تكلموا في موضوعهم وان هذا السبب الي خلى دارويين يقول بنظرية تطور الانسان والقرد من اصل واحد

لانه اكتشف مخلفاتهم وهي شبيهه بتكوين الانسان

ولكن طبعا داروين في حلقه مفقوده في نظريته لانه ماقدر يعرف شلون تطور العقل البشري

وبالمناسبه !! ترا قريت أن داروين ماكان ملحد.. ولكن كان كافر بافكار الكنيسه الي كانت تكره العلم و الابحاث العلميه وتحاربها وكان ملحد بنظر المسيحين ذاك الوقت

وعلى فكره ترا كثير من علماء المسلمين الي اشتهروا بالاكتشافات العلميه اتهموهم بالالحاد وقتها في العصر العباسي وغيره

لان ذاك الوقت العلماء حتى ماكانوا يؤمنون بكروية الارض ويرفضون اي رأي ثاني مغاير

مع أن القرآن يثبت هالشيّ اصلاً

وفي موقف صار لي مع محفظه القرآن!! لا انساه

هي انسانه حبوبه ومحترمه لكن من النوع الي متمسك بمعلوماته مايحب يفكر خارج الصندوق

قالت لي ما يصير تقرين القرآن بدون تجويد لانج تأثمين.. قلت بس ماعندي علم بالتجويد الا شي بسيط !!

وانا كان عندي مشكله روحانيه و كنت افكر ان شلون اقرا مثلا سوره البقره كامله فيوم بالتجويد صعب جداً .. وتهاونت.. لكن بعدين قلت انا شعليّ منها؟؟ هي مو رب العالمين

وقمت اقرأ القرآن 5 اجزاء فاليوم والحمدلله ماخلصت ثلاث ختمات ورا بعض إلا والمشكله الي عندي اختفت !!

القرآن مب نص .. يراد به التفسير و اخذ العلوم وبس.. ترآ القرآن شفاء وعلاج وله منافع اكبر بكثير من كونه منهج رباني

ترا يا بيتا التغيير صعب

أنا أعرف وحده طيبه وصالحه وتحب الله ومسالمه وماشاء الله ملتزمه بدينها ولكن تفكيرها محدود

لما اكلمها حتى فامور سياسيه مثلا .. تعاند وتقول لا مستحيل الاخبار والتلفزيون يقولون شي كذب

مستحيل الامير الفلاني يعمل كذا أو مستحيل الدوله تسمح بكذا.. مع ان الحقيقه واضحه جدا

لكن اتوقع المسئله مسئله خوف من تغيير المتعقدات

لان عشان تغيرين معتقداتج الخاطئه يبي لج سنوات من البحث والتغيير ومواجهه مع النفس و المجتمع

والناس مو كلها شجاعه وجريئه