السلام عليكم ورحمته الله وبركاته
كيفكم يا اهل المنتدى وحشتوني الله يسعدكم
اطمنكم والحمدلله عايشة ومبسوطة بس حابة احيكم انا زوجي رجعني من 5 ايام تقريبا بعد ردي الاخير بيوم الصراحة عسل زي ماهو وطيب يعني اول ما رجعني انا قلتله بخلي بنتي عند اهلي كم يوم قال لا تجي عند امها في بيتي ما تقعد لحالها اخذنا السوق اشترى لي ولبنتي ولنفسه بعد مشانا شوية وقاعد يلعب بنتي و اخذنا مطعم وتعشينا سوا وانا كنت خجلانة مدري ليه يمكن عشان زمان عنه ثاني يوم صار يتكلم معي ويضحك وعادي مرة عنده يعني سواليف وتعامله حلو الصراحة بس تغير شوية وفي كم حركة زعلتني مثلا من يوم رجعني ما اعطاني حقي في الفراش لنا 5 ايام وما جامعني انا الصراحة كنت اظن انه اول شي راح يسويه وكم مرة اتزين له احلى زينة حتى قبل يومين لمن راح دوامه كلمت اخويا اخذني المشغل وحطيت احلى مكياج وصبغت اشقر واشتريت له هدية عبارة عن خاتم حبيت اسوي له مفاجاة لمن جاء استقبلته عند الباب والله كاني ما رحت مشغل ولا شي استقبال عادي قلتله هذي هدية مني واهديته الخاتم وقلت هدية بسيطة قلي تسلمين يا احلى بنت في الكون ولا تقولي بسيط انتي ما يجي منك الا كل غالي انا انبسطت من كلامه بس مستغربة كيف ما لاحظ المكياج والشعر والملابس كان مطنش ولا كانه شاف شي في الاخير لمن فقدت الامل قلت له ما تلاحظ فيا شي قال لا والله قمر زي ما انتي وراح جلس على التلفزيون انا انجرحت شوي بس قلت في نفسي انا جرحته قبلها اكبر من جرحي وراح استمحله طول عمري
يلا حبيت اطمنكم علي واتمنى القى ردودكم يالي تشرحون الصدر