رد : انظرو قسوة الزوج وأهل الزوج ماذا تفعل بقلوب الامهات !
شوك حقيقة وبصدق انا عن نفسي مابقدر اقول شو الوحدة تعمل
مابحس بالنار الا الي انكوى فيها
الي وصلت لمرحلة ترمي ابنها لابد تعرضت لكم هائل من القسوة والضغط النفسي بحيث نفسيتها صارت بالطريقة هي
فلا اقول ترمي ابنها ولااقول تضل مع زوجها وتموت الف مرة
فخيارين احلاهما مر ويارب لاتكتب علينا هالموقف
سابين حبيبتي ... المجتمع قاسي ومابرحم ...
ودايما ضد المرأة وبزنقها في زاوية وبحشرها ومابتركلها خيار
فالخيارين احلاهما مر
بينما الرجل مجرد تقرفه مرته بروح يشوف غيرها
طبعا الوحدة ماحتشوف غيره لانها مابتتجوز الا واحد لكن مفروض لو حبت تتطلق تنحفظ حقوقها و تعيش بقدر ادنى من الاستقرار و الاحترام
مشكلة الطلاق عنا انو شرشحة وبهدلة
مافي طلاق راقي ... اتنين مااتفقو ... فاتقفقو على الطلاق وكل واحد ياخد حقوقه ويستر عالاخر ومايطلع عيوبه
ويبقى الابناء بينهما ويبقى بنتهم تعامل محترم و عشرة لاتنسى ...
والام تحتضن اولادها والاب يشوف اولاده
وبدون بهادل وتخلف من الي بنشوفه
نفسي اسمع عن طلاق محترم
الا دايما ضرب ولا جر في الشارع من الشعر ولا تشوهات ولا حرمان من حقوق واطفال ومشاكل ومحاكم
مابعرف ليش انحدرنا لهالمستوى ...
مسز داني ... مش ياقوة قلبها
انا بقول المسكينة الي وصلت لهالمرحلة
بدها علاج نفسي من البؤس الي خلاها تتخلى عن ابنها
حسبي الله عالظلم والظلمة
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت