متفاءلة
ربي حقق لي حلمي
دوندرمة
اقحوانه
مهره

اشكركم كلكم وكل من شارك بالموضوع واعذروني راح ارد عليكن برد واحد

وفهمي لردودكم كلها بلا استثناء وبما فيها اللي قالوا يسروا على الشاب انا فهمتها بانه الوسط هو الحل ومثلها مثل الوسط من الناس ... لان اللي قال يسروا يقصد التسهيل مو التنازل الكامل ..
عرس يعني عرس وبصالة جيدة ..لا قلنا ممتازة ولا ارضى اعزم الناس على مكان كاسة الميه فيه عبارة عن وجبة من نظافتها

بنتي عنيدة واعرفها لما اكلمها تسوي نفسها اقتنعت وتروح تسوي اللي براسها وما اقول الا الله يهديها ... لكن هنا انا اللي راح احدد واقنع ابوها بانه ما يتنازل ولا حتى يعرض مساعدة مادية ... يهديها هي لو حب يساعد لكن بيكون واضح امام العريس انه بنتنا غاليه علينا وما بنرضى لها اقل من غيرها لانها تعتبر مميزة بين البنات بشهادة غيري مو شهادتي .

احنا اهلها واحنا اللي بنحدد غصب عنها وعنه ..

__________________