السلام عليكم

مساكم الله بالخير جميعا

امس بعد كتابتي للموضوع طلعت من الاستراحه وتوضيت رحت لمسجد في طرف المدينه ودخلت وصليت لله ركعتين ورفعت يدي ودعيت وبكيت بانكسار لعل الله يراني ويرحمني وينتشلني من هذا الهم وهالغربه الي اعيشها .. آآه ياربي كم انا محتاجك اكثر من امي وابوي واهلي وعيالي ...

بالنسبه لمن يقول ليه ولدك تجلس معه وقت قليل..المشكله انه بعيد عن مدينتي وانا مالي احد اعرفه في الديره الي هم فيها ولا يمديني اجلس معه الا بالسياره فقط يعني يطلع من البيت يركب بالسياره واتمشى فيه لحظات ثم ارجعه .. لو كان في نفس مدينتي كان اطلع فيه يوميا وادرسه واعلمه وافرحه واحسسه ان له اب يحبه...والي يضيق صدري ان عيال خالاته وخواله عنده وابوانهم معهم الاهو المسكين يتلاطم به الهم وهو مايدري ..حسبي الله على من تسبب في تدمير بيتي وتشريد ولدي وحرماني منه وكل من اعان على ذلك

الاخوه والاخوات الي دعوا لي اقول الله يجزاكم خير ولكم المثل من الله فلاحرمكم الله الاجر ...