رد : كيف نتعامل مع لثغة الطفل
بارك الله فيك اخينا الفاضل رجل الرجال على طرح الموضوع المهم
وجزاك الله خير على إهتمامك في هذا الشأن في الحقيقة عندي واحد من اولادي الآن عمره 11 سنة كان في عمر 7 سنوات كلامه غير مفهوم حتى إضطريت لتاخيرة سنة كاملة عن الدراسة بسبب الكلام وذهبت فيه لكل المستشفيات حكومي وخاص وكلهم لخصوا مشكلته بالوقت وانه بعد فترة يرجع يتحسن عملوا له فحوصات قالوا مافيه شئ في النهاية تركت المستشفيات وجلست في البيت اعطيه تمارين على نطق الحروف وبعض الكلمات كان ينطقها بشكل يعكس فيها الحروف مثال كلمة آسف يقول لها آفس يعكس السين مكان الفاء وجلست فترة اعلمه واخليه ينطقها بهدوء الين الحمدلله صار ينطقها صح هي وبعض الحروف لما مثلا ينادي اخوه سلطان يناديه سطان يحذف حرف اللام من الإسم والحمدالله علمته على نطقها وصار ينطقها صح وتحسن كثير الحين مشكلته بالحروف اللي لازم يرفع فيها لسانه لأعلى مثل حرف ظ وحرف ث اي حرف يرتفع فيه لسانه للأعلى ينطقه بصعوبه مثلا حرف ظ ينطقه بثقل ب وحرف ث ينطقه ف كان عنده مشاكل في حرف ر وحرف س وحرف ش بس الحمدالله تعدلت الحين عمره 11 سنة وتحسن كثير الحمدالله وصار كلامه مفهوم واغلب كلماته ينطقها بطلاقة طبعا مثل ماتفضلت اخي الكريم انه اهم شئ إن الطفل علشان يجتاز هالصعوبات ما احد يلفت نظره ويستهزئ في كلامه او يعتبره مضحكة لان هذا مؤلم بالنسبة لطفل نفسيا ويفاقم الوضع بزيادة لاكن لما تطنش وماتلفت نظر الطفل بالمشكلة اللي يعاني منها وتحاول تحلها معاه بطريقة ماتحسسه إنه عنده مشكلة يعاني منها إن شاء الله تنحل مشكلة الكلام بكل يسر وسهوله بس تحتاج إهتمام ومتابعه وتمرين مستمر لطفل انا قبل كان ولدي بالمدرسه يجيني يشتكي يقول أمي زملائي يقولون انا ما أتكلم زين ويجلسون يتريقون بكلامي اللي اقوله ويسألني يقول امي يمكن تودوني المستشفى يصلحون لساني ابغى اتكلم مثل اصحابي علشان مايضحكون عليه مرة ثانية ويستهزؤن بكلامي كنت اقول له انت مافيك شئ انت كلامك زين وماعليك فيهم انت الحين عندك عروق شريانات تحت لسانك وكنت اقول له ارفع لسانك على المراية واخليه يشوف تحت لسانه اقول له تشوف هاذي إن شاء الله كل ماكبرت هي تكبر معاك وتتمدد وبعدين تقدر تتكلم بسهولة إن شاء الله تعالى الحين لسانك مربوط فيها كل ماكبرت تنفك عقدة ان شاء الله وتصير تسولف مثل الباقين والحمدالله صدق السالفة ومشت عليه و تحسن ماصار يهتم في الموضوع ولا يفكر في كلام اصحابه وما يتأثر باللي يقولونه له في المدرسة وفي نفس الوقت من سنة لسنة تحسن كلامه وصار يسولف عادي بس عنده هالحرفين باقي ثقيلة على لسانه اما باقي كلامه الحمدالله صار مفهوم وعادي يارب لك الحمد والشكر.
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله