رد : لو سمحتوا احكموا بيني وبين زوجي النكدي [ مستجدات بالرد 24، 38 ]
صباح الخير وجزاكم الله خير
كل ردودكم والله على راسي.. قرأتها بتمعن
وانا الحمدلله مسلمه امري لله
وملاحظه زوجي جالس يحرضني اترك البيت
لكن لاني عنيده فلازلت جالسه بالبيت
وهو اثبت لي امس ان حياتي معه مافيها امان
تأكدت ان رحلتي معه احتمال كبير ماتطول
وللامانه انا زمان صايده زوجي يشوف شغلات اباحيه
واضح انها لاحسه عقله.. لانه اصلا ايمانه ضعيف
انا ياجماعه مو زعلانه لانه هز ثقتي بنفسي
اساسا بأي خلاف يحاول يشكنني بنفسي فتعودت
لكن انا زعلانه لانه دمر الحب والاحترام والفراش مستقبلا
هو كان يدور عن صفعه قويه يسد نفسي فيها طول العمر
وانا قسما بالله العلي العظيم اني ما اركض وراه بهدف فراش
اساسا زوجي حتى العلاقه معه مافيها متعه
امس يتريق على رغباتي وقت الجماع لما اطلب منه يعمل كذا
يقول: لك عين بعد يا قليله الادب!!!
شيء عجيب ماعمري سمعت فيه ولاشفته
بعدين انا لي كم شهر معودته اذا تلاقينا بعد الدوام اضمه
يقول امس انتي تضميني كل يوم لانك ممح... قهرني وجرحني
والله مو قادره اكتب او ألمح بكمية الانحطاط اللي شفته
اوكي هو من زمان انسان سطحي وكلامه مو موزون
لكن لما زوج يتكلم عن زوجته بهالشكل المنحط لخلاف تافه
فهذا إما أنه بايع، او براسه شي شين
واساسا كيف ساكت 3 سنين ونص والحين بس نطق
بعد ماعمرت بيته وجبت بنته وصار بينا عشره
يعني بعد ما ضمني وصار موقفي ضعيف بنظره
للامانه لو هو رجل حقيقي ابدا ماعمل كذا او قال كذا
لكن بعد اللي شفته لازلت متوقعه منه الاسوأ
بكل الحالات ما اقول الا الله ياخذ لي حقي منه