السلام عليكم

هذي بعض النصائح للمقبلين عالزواج في كيفية التعامل مع الزوجه في فترة شهر العسل

صحيح انها بسيطه ولكن عند البعض قد تعتبر مهمه وقد تسبب الطلاق ( عند البعض ) قد لا تكون هي السبب الحقيقي للمشاكل بس بداية الزواج والتوتر والاشتياق للاهل وعدم تحمل المسؤوليه كل هالامور ان اجتمعت قد تعصف باستمرارالزواج
والخطوره باول الشهور ان عدت على خير فلله الحمد وان ما استمر الزواج فلله الحمد ولا اعتراض

المهم بتكلم عن هدية الزوجه بشهر العسل وهديه لاما وابوها
حتى لو قالت لك يا حبيبي ماله داعي عندي كل شي توني مجهزه للعرس لا تصدقها وطنشها واشتر لها
كذلك لازم تشتري هدايا لامها وابوها وخواتها ولا تنسى امك وابوك

ترى هالشغله ترفعك فوق السما وتكسر عين اهلها

اكرر حتى لو قالت ما له تخسر نفسك ومو محتاجه او هالسوق مو عاجبني

اغصبها واشتر لو على ذوقك ولازم ما يكون سعره رخيص والا ترى ما سويت شي