هلأ بفترة الملكة بتكون اتعديت كل الترتيبات الأولى
واصبح في مكالمات بينك انت وخطيبتك هاد الوضع الطبيعي ..
والشخص الواعي انه مايوقع بالحب والعشق والهيام من بداية هاي المرحلة
لازم يتأكد من مشاعره منيح منيح ومن شخصية الطرف الآخر..
بعد هالشي لما تلاقي الامور بالسليم اسمح لعواطفك تتحرك لانه هلأ وقتها
عبر الها عن حبك بالحكي وبالفعل مو غلط بالعكس هالشي بيقوي علاقتكم
بس ماتندلق كتيييير .. حاول ببعض المرات تكون متوازن قدامها لانه عنجد في بعض البنات بيتغيروا مع خطيبهم ازا ضمنوا حبه
بس برضو كلامي هاد مو معناته انك تكون تقيل وجاف لا انتبه ابشع شي بالشب لما يفكر انه التقل هيك .. بالعكس هيك ممكن تنفر منه خطيبته وجواتها تصير تكرهه وبداخلها تتمنى ترتبط بانسان غيره احن منه والطف منه ..
المطلوب انكم انتوا تنيناتكم تتبادلوا الحب
مو طرف واحد بس الي يركض ورا التاني
فترة الخطبة مهمة كتير كل شي فيها بينطبع بالزاكرة سواء كان حلو او سيء
والله يتمملكم على خير يارب

__________________
Sometimes when you lose your way, you find yourselflk