السلام عليكم ورحمة الله

اخواني و اخواتي:

ارنوبة
هاجس
حميدو M
هانديا
مسموسي
طبيبة القلوب
Hukkinun
أسيل
swissaKM
honey559
الحلوة انا


تعجز الكلمات عن وصف مدا شكري و امتناني لكم على تفاعلكم مع موضوي هذا ، تعجز الكلمات عن شكركم لنصايحكم و توجيهاتكم و تعجز الكلمات عن شكركم لدعواتكم الصادقة للي.

قررت بعد الاخذ بتوجيهاتكم و نصايحكم اني اروح الي بيت الوالد يوم العيد ، بس تراني خايف انه ما يستقبلني او يطردني او حتا ما يفتح للي باب بيته ، و اخاف الشي هذا يتعبني اكثر. بس ابروح و الله يكتب ما فية الخير.

زوجتي او خطيبتي ( مدري وش يطلق عليها من اسم في مرحلة ما بعد الملكة و قبل الزواج) على علم كامل بمشاكلي المادية ، فهي تدري اني ما اخذت الوظيفة الثانية الا لهذا السبب.
انا ما الومها على شي ولا اتوقع انها تسوي شي ، فنا المسئول عنها و كل شي لازم يكون على عاتقي ، كنت اتمنا اني اقدر اعطيها الافضل بس الظاهر اني ماني قادر في الوقت الحالي ، لازم تكون زي باقي البنات ان لم يكن افضل حسب ما قالت للي.

بعض الزملا اشارو على بان اطلب منهاء و كحل مؤقت للموضوع بان تساهم في مصاريف البيت من مرتبها الشهري ، لكن هذا ليس موضوع للنقاش فنا ارفض مبدا ان تساهم هي بالمصاريف فنا رجال البيت ولازم اعطيها مصروفها. راتبها لها هي تعمل به ما تشاء الا المساهمة في مصاريف البيت.

مدري وش الخطوة الجاية ، مدري وش تخفي للي الاقدار ، بس اللي انا واثق منه ان الله بيكتب اللي فية الخير سواً في التوفيق او الفشل في موضوع الزواج.

لو ( و اعوذ بالله من كلمة لو) ادري اني اذا فكرت في الزواج بيصير كل هذا ، كان بقيت عزوبي ولا حملت كاهلى كل الهموم و التفكير اللي انا فيها.


لكم جميعاً مني الشكر و التقدير.