رد : (مميز) زوجة معدد؟ ...... تفضلي
هلا بالغالية أم خالد .. وهلا بهالطلة الحلوة.
والله أحرص على الأذكار والدعاء والاستغفار ما استطعت يا أم خالد .. وأكاد لا أتركها إلا نادراً .. بسبب انشغالي أحياناً مع الصغار.
أما أحلامي فهي ليست كثيرة .. وغالباً لا أتذكرها .. لذلك يلفتني الحلم الذي يعلق بذاكرتي بعدما أستيقظ وأهتم بتفسيره .. تقولين محصلة كنز 
على فكرة .. نفسيتي مستقرة الآن أكثر ولله الحمد. 
منذ بضعة أيام كانت مهرة تكلمني .. قالت: ماما انتي وايد حلوة وانا وايد احبج .. قلت: وانا بعد احبج وايد.
قالت: انتي تسوين لنا كل شي .. تسوين الأكل .. تسبحين شما .. تمشطين شعري .. تشترين لنا أغراض حلوة .. تذاكرين حق سلطان .. شكراً يا ماما لانج تسوين كل شي.
ما تتخيلون شو حسيت وهي تقول هالكلام!
لما بنت الأربع سنوات ونص يكون عندها كل هالتقدير .. كيف لما تكبر أكثر وتفهم أكثر؟
ربي يحفظها هي واخوانها ولا يحرمني منهم يا رب.
الحمدلله رب العالمين.
اللهم أدِمْ عليّ نعمتك وفضلك ورحمتك.
__________________
اللهم طِيبَ الأثر .. وحُسْنَ الرحيل.