المشاركة الأصلية كتبت بواسطة (غير مسجل)

طوال السنوات اللي اتزوجتي فيها وين كان ولد خالك ؟ وليش ظهر لك الان ؟
وين كان كل السنوات الماضية ؟ وليش ما تمسك فيك ؟
أمك ابداً مو السبب في هذا ، ولد خالك لو شخص يبغاك فعلاً كان طرق الابواب وتوصل لك خصوص ان امك عمته وبأمكانه بذاك الوقت يتزوجك رغم كل الظروف وبامكانه يضغط على أمك من خلال اعمامه وبقية الاسرة .

عموماً
ممكن يكون شخص لجاء لك بعد ضيق وكربه ؟ < شخص استغلالي ومتى ما انتهت ضيقته وكربته راح يتخلى عنك زي أول مره .
ممكن حنيتي للحب القديم الآن ؟ < فات الاوان لانك أول ماترجعين له راح يعاتبك على اللي حصل ويبدأ يفتح ابواب المشاكل .

حاولي تصلحي الامور بينك وبين زوجك ، وادخلي العاقل من اقاربك حتى يحس زوجك ان وراك رجال ، متى ما شاهد الزوج ان الزوجه خلفها اهل ورجال حكماء عاقلين راح يحاسب نفسه على تصرفاته .
وايضاً فكري بطريقة تعاملك معه أعرفي ايش الاسباب الحقيقيه اللي تخليه يسوي كذا .

انا شخصياً أرى في موضوعك هو ايجاد مبررات واعذار حتى ترجعين لشخص قديم بعد سنوات طوال وبعد اختلاف الظروف تماماً .
وكلامي بنيته على توقعي بتفكيرك طلب الطلاق او خلع زوجك وتأكدي هالخطوه تبعاتها كبيره بوجود أطفال ولازم نحسبها صح لانها اشبه بخط اللاعوده .