رد : نصيحه صديقتي دمرت حياتي وزوجي كملها وشرشحني عند امه.. افكر بالطلاق
اقتباس:
المشاركة الأصلية كتبت بواسطة kooki3
بصراحه انا اشوف هاذي المشكله بتقربكم من بعض اكثر خصوصا اذا اتبعتي خطوات صحيحه وواثقه شفتي يوم قعدتي في بيتش وما رحتي بيت اهلش كيف تغير الموضوع كان الموضوع خلاف وتريدينه باي وسيله يعتذر بس الحين لا نضجتي وتحاولين تغيرين من نفسش باعتراف منش وعلى فكره لو تغيرتي هو بعد سلوكه واسلوبه بتغير هي سيمفونيه وطاقات والزعل والروحه عند الاهل موب الحل يوم واجهتي نفسش وطورتيها وبديتي تصلحين الخلل وهاذي بحد ذاتها خطوه كبيره بس عليش تستمرين وتتعرفين على طباع زوجش الله يوفقش
|
انا مارحت لبيت اهلي بسبب حدته الزايده
كنت مقتنعه داخلي اني اذا رحت ماراح يرجعني
وهو كرر لي انه ماراح يتنازل مثل اول ابدا
فكنت حاطه ببالي لو رحت لاهلي يعني ابنفصل
واهلي بعد طلاقنا الاول قالوا اذا رجعتي لنا انسيه تماما
جلوسي بالبيت صحيح تعب لي نفسيتي
لكن فعلا لو رايحه عند اهلي وهو طنشني بتدمر نفسيتي
انا مديت امس يد الصلح بدون ما اتكلم
منتظرة منه يبادر اليوم من ناحيته.. بعدها بغير نفسي تدريجيا