المشاركة الأصلية كتبت بواسطة عطر الفجر

حبيبتي كنافة .. الله يهونها عليك

مشكلتك بسيطة .. والله ابسط من البساطة بس الشيطان قاعد ينفخ فيك وفيه
تعوذي من ابليس و استغفري وادعي واتكلي على الله وتنحل باذن الله ..


حاولي اول شي تفهمين زوجك عشان تقدرين تصالحينه

تدرين وش اللي صار؟؟ انتي صدمتيه .. زوجته اللي يرتاح لها ويتطمن لها تمردت وطلعت عن قوانينه وفوقها حاولتي تحطينه "قدام الامر الواقع" "ووسط الناس" "وبالغربة" .. غضبه مو ببساطة رفع النقاب ورده

كاني اسمعه يقول لنفسه لحظتها لا هذي مو زوجتي

وواضح انه اذا تذكر الموضوع توتر..
زوجك يحبك ومايبي يخليك .. بس مو قادر ينسى صدمتك له.. وانتي ماحاولتي تنسينه.


امه من كلامك عنها حبيبة .. وترا يهمها قد ما يهمك انكم تنصلحون وتحلون مشاكلكم .. بعدين هي امه يعني عارفته اكثر منك وتعرف طبعه اذا عصب انا متاكدة انها تلوم ولدها ماتلومك .. لا تشيلين همها
واذا ودك ترتاحين كلميها سلمي عليها واعتذري عنه قوليلها ما نحب نزعجك بمشاكلنا ونضيق صدرك بس كان زوجك في لحظة غضب وتصرف بانفعال .. واشرحيلها ان الموضوع بسيط وقوليلها المشكلة عشان مايروح بالها بعيد ولا تشكين من ولدها ابدا فقط بيني لها الموقف بدون تفاصيل.. وقوليلها انك تحاوين تراضينه و تصلحين خطاك.. واطلبيها تدعي لكم ..


اما بالنسبة لزوجك اذا تبين تصالحينه خليك وديعة.. شوفي كل ما بعد عنك هدا والدليل انه لما كلمك وانتي عند اهلك استنكر ردك الجاف .. يعني خف اللي بقلبه وماشاف في داعي لاسلوبك .. ولما قال لك خليك عند اهلك وشافك رجعتي فرح وقال لك بكرة بنروح لامي .. بس انتي ماتشجعينه يتنازل ويطيح الي براسه بحدتك معه ..

ليني شوي اتركي الجدال والرد على كل كلمة

انسي اللي صار كله شوي .. وركزي على هدوئك معه.. هدوء اعصابك ملامحك ونبرة صوتك..



خلي بيتك مكان دافي يحس فيه بالراحة والأمان اذا دخله .. وخلي وجودك بالبيت يفرق
مثلا شغلي اذاعة القرآن بالمطبخ .. بخري البيت اهتمي بنظافته خلي قهوتك وشاهيك جاهزة.. اذا رجع اجلسي معه حتى لو كان مكشر ابتسمي .. ولوما كلمك لعبي بنتك عنده .. حاولي تخلينه يرتاح لك من جديد..
اذا جا ينام دفي الغرفة .. و اذا غفى باول نومه قربي منه بدون ما تفزعينه بوسي راسه لميه المسي ظهره بحنية واذا شفتي انه حس انسحبي

وبعدها بكم يوم ارسلي له رسالة و هو برا البيت
امليها حب وشوق وذيليها باعتذار .. لا تبررين خطأك اعتذري فقط وبيني له ندمك ..

طولي بالك .. واصبري واحتسبي وتحملي ردة فعله

وبشرينا بالاخبار الحلوة


الله يهدي زوجك ويسخره لك ويصلح حالكم