المشاركة الأصلية كتبت بواسطة عطر الفجر

السلام عليكم

اختي حبيبتي

اشعر اني فهمت مشكلتك وعندي لك راي اتمنى يساعدك ..

قلتي عن زوجك:
عصبي،كتوم،غيور،لا يحب أن يُنتقد،لا يعرف كيف يعبر عن عواطفه،حنون،لا يحب الخروج معي،لا يرضى لي العمل أو الاختلاط في المؤسسات التعليمية

وهذي الصفات عادية وموجودة في معظم الرجال .. وممكن التعايش معها بسهولة

مشكلتك الوحيدة .. هي كونك انت وزوجك مختلفين في طريقة التفكير .. و ما عرفتو او ما حاولتو انكم توصلون لانسجام

الاختلاف مو دايما مشكلة بالعكس ساعات يحقق توازن وتكامل في العلاقة .. والانسجام يأتي من تقبل الاختلاف أولا..

هو يقول لك انتي ماعرفتيلي .. لانه حاس بهذي الفجوة في طريقة التفكير .. وحاس برفضك لمبادؤه

عشان تقدرين تتواصلين معه .. لازم الفجوة هذي تنسد وعشان تنسد مو شرط الاتفاق اهم شي (التفاهم)

يمكن الرجال ما يبادر في هذي المسالة .. خليك انتي الشاطرة وابدي .. حاولي تفهمينه
تقربي منه من خلال مسايسته .. مبدئيا وافقيه ولا تعارضينه بينيله انك فاهمة وجهة نظره والمنطق وراء مواقفه .. بيني له انك (عارفتله) بادري احيانا بالراي اللي يعجبه


انا اقول لك كل هذا (مبدئيا) .. مو قصدي انك تلغين نفسك .. بس هذي الخطة عشان يرتاح لك ويحس انك معاه وعارفتله.. حتى تخف حدته وجفافه معك ويتحقق الانسجام المطلوب

اذا وصلتي لهذي المرحلة .. ابدي من منطلقاته هو وقولي وجهة نظرك اللي كان يرفضها

مثلا هو من الرجال اللي يعتقدون ان مكان المراة البيت وكل شيء تحتاجه موجود داخل البيت .. العبي على هذي النقطة .. قولي على سبيل المثال انا حابة اتعلم انجليزي .. ولان المعاهد فيها اختلاط وشحططة للبنات بحثت بالنت ولقيت دورات الكترونية يعني الدراسة من البيت وابي اسجل فيها عشان اطور نفسي

بالنسبة لهواياتك بنفس الطريقة قولي باحضر دورة في الخياطة او الديكور او غيره عشان ما احتاج اطلع السوق كثير وازين اشغالي وبيتي بنفسي

وهكذا ..

هو مايحب الخروج للاماكن المفتوحة واللي فيها اختلاط .. وانتي محتاجة تطلعين تغيرين جو ..
تنازلي حبة لا تطلبين مطعم او كافيه .. جهزي غداك او قهوتك وقوليله بنطلع البر "خاصة الجو جميل هذي الايام "..

انتبهي تتعبين نفسك وتدلعين زوجك عشان يسوي لك اللي تبين .. واضح هذي الطريقة ما تمشي معه
اعملي اجواء سعيدة داخل البيت مو عشانه هو بس .. عشان نفسك .. خلي هدفك انك تستمتعين معاه .. زوجك يبيك (معه).. تحسين فيه .. تفهمينه .. تايدينه .. سوي هذي الاشياء وباذن الله ماتشوفين منه الا اللي يسرك

وانتو لسه باول حياتكم .. اشياء كثير فيه بتتغير بس مع الوقت ان شا الله و بالمسايسة


الله يحفظ لك زوجك ويسخره له