العفو

موضوع تأثرها بالزواج صعب نجزم به انت من خلال معرفة اهلك بها يعرفون مدى وعيها وثقافتها

ما اظن ان الواعية المثقفة تفكر بهالسطحية ومو معنى ان اختي الي اصغر مني تزوجت قبلي معناها انا اقل كل واحد له ظروفه وانت قلت انك ملكت عليها قبل لكن ظروف زوج الصغيرة اجبرتهم يتسعجلون

فلاتطابق الحادثتين انت وخطيبتك قصه وهم قصه ثانيه

ولو افترضنا انها فعلا متأثره ونقول انها اكيد واعيه ومثقفه لكن مجتمعها هو الي عيشها بهالفكرة على هالفرض ما اظن انه بيكون سبب لطلب مكالمتك لانه ماراح يغير شي من الموضوع

هي اكيد ما طلبته او ماوافقت عليه الا لانها مؤمنة بضرورة هالمكالمات وحابه تتعرف على زوجها بدال ماتجلس هالفترة تضرب اخماس باسداس ووساوس رايحه وجايه خليني اعرفه وافهمه ويفهمني افضل وأكثر اطمئنان لنا كلنا

وبالنهاية اقولك اخوي اعزم وتوكل على ربك وابدا بالمكالمات من بكرة وقول رب اشرح لي صدري ويسر لي امري واحلل عقدة من لساني يفقهوا قولي

وخلي المكالمة الاولى ماتتجاوز دقيقتين او ثلاث لانكم طبيعي بتكونون متوترين مجرد اسالها عن حالها وكيف دراستها ومتى بتخلص (حتى لو تعرف اسالها وبين لها اهتمامك بها) وبعدها سكر وواعدها بمكالمة ثانيه في وقت قريب

ممكن بعدها تجلس اسبوع وتعيد الكرة تجيب لك موضوع ثاني ولا تطول المكالمة بعد

عالمكالمة الخامسة او السادسة بيخف توتركم وبتكونون اكثر ارياحية

وممكن انت تقولها بوجهة نظرك بما اننا فترة ملكتنا طويلة وانا صراحة حاب فكرة اني اتواصل معاك عشان نفهم بعض لكن انا قريت كثير ان هالفترة حلو ان المكالمات ما تكثر وما تطول <طبعا بطريقتك مادري كيف بتقولها

ودام انها زوجتك فأكيد بتكون متفهمه وبالعكس بتحسسها انك مهتم بعلاقتكم مع بعض انها تكون بالطريقة السليمة

وصدقني ان هالشي بيكون له اعتبار كبير عندها وبيعلي قيمتك وبيزيد من احترامها لك