اقتباس:
المشاركة الأصلية كتبت بواسطة موهبة الكويت
تدرين متفاءلة
الزوج حس بالامان مع زوجته ما يبذل جهد عشانها بعكس اللي يخاف تروح منه تلقينه يجند الدنيا عشانها
انتي حاولي انج تروحين لاهلج على الاقل لمدة اسبوع بدون ما تقولين له المدة واتركي عياله عنده
وحبيبتي لا تحاسبينه وايد
مرة سمعت مثل ان الناس ما يلتفتون للماكينة اللي تطلع صوت دايما ينصب اهتمامهم للمكينة الساكنة والساكتة
اخذي لج فترة اسكتي ولا تعترضين ولا تبدين اي شي وعقبها حاولي تروحين لاهلج اسبوع
وربي ييسر امرج
|
عزيزتي الرجال انواع والشخصيات بتختلف
زوجي من النوع الحقود
وهو بنفسه قالي لو فكرتي تتركي البيت ما بترجعي على موتي ولا تحلمي انك ترجعي حتى لو كان عندك عشر اولاد
فقرار تركي للبيت علشان اظغط عليه يمكن ينفع مع الزوج الشاري مو البايع
امس ابوي كلمني قالي اتركيلو الاولاد وتعالي
كيف اتنازل عن بيت صارله 14 سنة وكيف اترك الاولاد وهم بسن مراهقة
وابوهم بيطلع من الصبح لاخر الليل بيشوفهم ساعة وبينام
القرار مو سهل
انا نفسي اتركه الحين لكن الخوف من المسؤولية والخوف من المجهول
الله يفرجها امين
مشكورة عزيزتي موهبة