زوج فاهم موضوعك له أبعاد كثيره ومتشعبه ومازلنا نحاول نوصل الأفكار لبعض في الحقيقه هذه الليله دائما تكون مليئه بالمفاجآت المضحكه واللي مابين فتره وفتره يسترجعونها ويضحكون عليها.. مثلا أعرف انسانه تزوجت وماتعرف معنى الدخله لأنها كل ماسألت أمها كيف ولدنا تجاوبها الله خلقكم في بطني ولما اكتمل نموكم الدكتور فتح بطني وطلعكم ولما انخطبت أمها ماقالت لها شي عن هالموضوع من باب انه عيب تعرف وهي لسه بنت يمكن مايتم النصيب وأنا أروح أخرب عقلها بحاجه المفروض زوجها يعلمها تصور؟؟ تزوجت البنت وهنا الطامه الكبرى لما سألها زوجها تحبين الأطفال قالت ايه قال برأيك الأطفال كيف ينوجدو قالت الله اللي يأمر بالخلق قال كيف قالت يقول للشي كن فيكون قال وش تعرفين عن الجماع قالت اجتماع الزوجين في بيت واحد طبعا أخونا انصدم معقول فيه بنت بهالتفكير ماتعرف شي المهم فاتحها بالموضوع انهارت من الصدمه اللي كانت قويه عليها تصور كانت فاهمه ان الحمل يتم لله في الله لكن بقدرته وحنانه اللي محتويها استطاع انه يخليها تتجاوز الصدمه والحمد لله عايشين حياتهم بكل هدوء وسعاده؟؟ السؤال لك ولأعضاء المنتدى كيف نحنا مانكرر غلط أمهاتنا مع أبناءنا ونحاول نوصل المعلومه بشكل صحيح ومبسط لما يسألونا كيف جينا على الدنيا علشان نتفادى اللي صار مع صاحبتنا وماتصير فيه مشكله مستقبليه قد تهدم حياه زوجيه في بدايه عهدها والسبب عيب الأبناء يعرفون حاجه قبل وقتها اللي هو الزواج؟؟ مع مراعاه ان الأزواج مو مثل أخونا اللي صبر الى ماصحح الوضع بطوله بال وسعه صدر...
أم مودي