رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة Raouf
لا مش كتير
الله يباركلك فى جوزك وعيالك
اللى زيك عمره ماينضام وحقك حايجيلك لغاية عندك ..
ربنا يكملك بعقلك ويهدى سرك
|
هكون جاحدة وناكر الفضل لو قلت ان حقي ضايع.
لكني في لحظة حسيت انه عايش معايا من باب الواجب والالتزام الأخلاقي .. من باب المسؤولية وما يفرضه عليه دوره كزوج.
الشعور ده كان بيقتلني يا خالو .. أنا ماتجوزتش عشان كده.
زمان كنت مكتفية تماماً بكلمة بحبك .. لكنها دلوقتي بتتوزع على كل وحدة شوية وشويتين وعشر شويات .. وتيجي لحد عندي وتبقى فجأة مالهاش لازمة تتقال كتير لأنها هتفقد معناها لو تكررت كل شوية!!! <--- شفت الحكمة اللي ما بتخرّش إلا فوق دماغي!
كنت محتاجة بديل يرجع لي حاجة ضاعت مني .. كنت محتاجة حاجة تخليني احس انه بيعمل الحاجة الفلانية عشاني أنا .. مش عشان ده هو الواجب والأصول.
أنا عبيطة صح؟ 
__________________
اللهم طِيبَ الأثر .. وحُسْنَ الرحيل.